為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 02 月 13 日

張建宗出信班救兵 公務員反應唔錯

新冠肺炎疫情嚴峻,前線醫護疲於奔命,矛頭直指政府無能。政務司司長張建宗急急出招,日前向各部門主管發電郵,呼籲佢哋邀請公務員、非公務員合約僱員及退休後服務合約僱員做「大義工」,擔任非醫療性或專業性嘅工作。
即係做啲乜?原來工作包括打電話畀在家隔離人士詢問詳情,隨機檢查地方以確認隔離人士是否在家、確保檢疫中心內嘅隔離人士並非香港居民、協助採購及分配食物及日用品予家居及檢疫中心隔離人士,以及處理檢疫中心嘅突發事件等。
統籌工作就交畀衞生署、民政事務局及社署分配。張司長開到口班救兵,有無人聽佢支笛呢?政府人員協會主席馬志成就話反應良好,已收到部分退休公務員響應,分別來自水務署、漁農處同食環署。不過呢次義助包括隨機上門家訪隔離人士,驚唔驚畀傳染?馬志成就話,政府會為義工提供相關訓練同裝備,唔使太擔心。

 

 

張建宗發信急召公務員及退休同事做大義工,幫手抗疫。部分加入抗疫嘅義工,將被分派處理檢疫中心嘅突發事件。