為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 05 日

演《Baby復仇記》學識揀另一半 陳靜朱鑑然選對象重成熟

陳靜(DaDa)和朱鑑然(朱仔)在電影《Baby復仇記》首度合作,演繹一對即將為人父母的小夫妻,因兩人都無做父母經驗,這次演出令他們吸收了很多做父母的資訊外,更重要是了解自己,應該揀個較成熟的伴侶。由於戲中兩人有不少親熱戲,但同時又有好多鬧交戲,他們都覺得鬧交戲更難處理,特別是演戲經驗未夠多的朱仔。

兩人早前出席東京國際電影節,影迷熱情令他們好感動。

DaDa和朱仔大讚對方是好對手,合作得相當愉快。

未開拍前, DaDa和朱仔對對方印象都好好,DaDa說:「佢係近年難得一見嘅靚仔,身邊啲女仔朋友對佢外表都好高評價。」朱仔又話:「我雖然冇睇過佢本寫真集,但好多朋友都係佢支持者。」接觸後兩人更加欣賞對方,DaDa說:「真係唔只得個靚,人品仲好好,做嘢好有自己諗法。」朱仔亦讚她「Nice、無架子,演戲好認真,大家溝通上冇乜問題。」

兩人都覺得相比起鬧交戲,親熱戲反而不尷尬、更易演。

DaDa今次為演大肚婆,極速增肥20磅演出。

由於這是朱仔初次擔正電影,開拍前特別緊張,所以好多謝對手和導演給了很多意見和支持,不過演起來都有特別難處理戲份,「球場嗰場鬧交戲幾深刻,冇諗過佢情緒會去到咩位,好難捉摸,我抱開放心態,佢會去到咁樣喎!好難受,有啲兄弟嚟一齊打波,嗰吓真係唔知點處理,不過亦有個感覺大肚老婆,去到咁嘅位情緒會鬧到咁樣好真實。」

朱仔早前被爆女友盧慧敏跟他和家人一齊去旅行,其實兩人亦有一齊工作。

Dada有份演賀歲片《家有囍事2020》,戲中有久遺了的性感演出。

DaDa和朱仔都承認拍完這套戲,對揀對象會更清楚自己要求,DaDa說:「我本身要求都係要貼近我,小朋友唔可以係我一個責任,係兩人都要畀時間,思想要一致,有共同認識。」朱仔就話:「會客觀理性去諗認識自己,自己有咩不足,知道有啲咩令自己更加好。(有咩要求?)都係成熟少少。」不過提到跟混血模特兒盧慧敏戀情,朱仔低調不肯多講,只話以事業為重。