為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 02 月 03 日

陳茵媺一家沙灘上堂 吳雨霏孭囝囝上山吸新鮮空氣

全港幼稚園、小學、中學停課,一眾星級家長都為子女諗活動解悶。

受武漢肺炎疫情影響,港府宣佈幼稚園、小學、中學延長停課至3月1日,面對突如其來的「長假期」,一眾星級家長都諗盡辦法令小朋友冇咁悶,好似胡諾言太太陳琪就選擇留在家中休息,以及與囡囡一齊整嘢食。

至於去年9月才誕下二女Galilee的吳雨霏(Kary),今日就帶埋1歲大仔Asher和狗仔去行山,呼吸一下新鮮空氣之餘,順便當運動強身健體!不過,相中見她背脊孭住28磅的囝囝,又要拖住一隻金毛尋回犬,你都咪話唔攰!好在Kary之後上載了一條片,片中有個壯漢幫手孭BB,估計老公洪立熙都有同行!她又以英文留言,表示產後因要照顧兩個小朋友,導致身體長期受壓,不過Kary仍樂觀面對,努力去適應身體與升呢媽咪的生活變化。

陳琪與囡囡在家中整嘢食。

吳雨霏就帶1歲大仔Asher和狗仔去行山。

另一個媽咪陳茵媺(Aimee)昨日則帶3名子女到沙灘玩,實行寓學習於娛樂,她以英文寫道:「學校暫時停課,但我啲小朋友喺附近沙灘玩嘅時候,發現咗一啲有趣嘅方法去繼續學習。」原來3個小朋友用碌竹於沙上學寫字,本來二仔陳浩鋒想寫「陳」字,但Aimee自嘲掛住影相都唔得閒理對方。

其間Asher都有自己落地行。

陳茵媺則帶3名子女到沙灘玩。

二仔陳浩鋒用碌竹於沙上學寫字。

二仔陳浩鋒本來想學寫「陳」字,但媽咪掛住影相。

囡囡發現咗個貝殼,即刻笑到瞇晒眼!

雖然沙灘好大風,但陳氏三兄妹都玩得好開心。