為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2020 年 02 月 09 日

發財埋邊

新春期間遇正「武漢肺炎」爆發,親戚朋友都唔敢拜年和外出食飯,只能約埋三五知己,賭番兩手至夠過年氣氛。
莊思敏(Jacquelin)、莊思明(Lisa)、莊思華(Mona)三姊妹,與前港姐好友梁麗翹(Nicole)這天一齊在酒店開賭局,四人齊齊搓麻雀、射龍門、鋤大Dee,更大玩魚蝦蟹,結果由愛情事業兩得意的莊思敏,大殺三方,成為大贏家。

四個女人開枱,莊思敏大唱近日hit歌〈野狼disco〉輕鬆吓,莊思明聽到反白眼,「我唔鍾意同莊思敏打,佢好嘈。」

 

着紅底旺財運

莊氏三姊妹和梁麗翹都穿到紅噹噹前來,各就各位,四個女人圍埋賭枱嘈到拆天,莊思明笑說:「如果想贏錢,要着紅bra、紅底底(褲),座位要揀背後有靠山嘅位置,如果坐到唔舒服嘅位,就算一開牌係靚牌等叫胡,都係食唔到。」莊思華則表示要好錫副牌,「千祈唔可以鬧牌,要o氹啲好牌叫佢返嚟。」
莊思敏講到打牌禁忌,即看着兩個妹奸笑說:「打牌時收到屋企人打電話嚟問呢問路,我會好憎,唔可以俾佢哋騷擾我,我會叫佢哋唔好打嚟;仲有唔可以食血製食品,因有罪孽,試過食咗韮菜豬紅,個次真係輸到出血。」
單挑三姐妹的梁麗翹金睛火眼望住自己手上嘅牌,「我好少打麻雀,我係站長,幾年前新年打過一次,只係戥腳,輸咗過千蚊,嚇怕咗我,所以我好少賭錢。」
話口未完,莊思敏就食胡,混一色四番。曾在節目奪得雀后亞軍的她說:「打牌唔賭錢,係浪費青春,我十幾歲嘅課外活動就係去打麻雀,我哋同學好認真去聯誼會打,交咗唔少房租,打麻雀除咗章法,運氣都好緊要,試過贏咗個雀友十一萬,佢冇找數,而且從此失蹤,追都追唔番!」

莊思敏好快就食胡,第一鋪食混一色,睇佢笑得幾開心,率先發個新年財。