為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 01 月 31 日

陳同佳自首多波折 玄學家批可獲自由

「反修例」風暴源頭陳同佳,喺香港因洗黑錢罪坐監時已決定出獄後去台灣自首。但由佢喺去年十月二十三日出獄以來,佢嘅自首行動一波三折,先係台灣玩嘢將佢列作不准入境,搞到佢訂唔到機票去台北。之後就因為台灣要大選,冇人得閒同佢溝通安排投案。
協助陳同佳赴台自首嘅香港聖公會教省秘書長管浩鳴話,因為台灣一月十一日大選,距離農曆新年好近,所以陳同佳決定同家人過埋年先起行。點知中途殺出來勢洶洶嘅武漢肺炎,又令佢行程增添變數。不過,管牧師一再強調,陳同佳自首嘅意願未有改變。
陳同佳究竟喺咪咁黑仔,連自首都咁難?玄學家司徒法基就用易經塔羅幫佢批算過,抽到「鼎」、「夬」同「解」三張牌,第一張指陳同佳被困丹鼎,即喺香港坐監,第二張牌係眾人修補缺堤,代表陳雖犯下彌天大罪,但就有好多人幫佢解困。最重要係第三張牌,圖中係一個人幫另一個雙手反綁嘅人鬆綁,意思好明顯,指陳同佳最終可以獲得自由。

玄學家為陳同佳批算,其中一張「解」牌(右),寓意他最終可獲自由。