為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 01 月 30 日

半年逾百新工會成立 工聯會:提防殭屍工會呃選票

歷時逾七個月嘅抗爭,風向由街頭轉咗去職場,近日掀起籌組新工會潮,單係舊年六月至今已有一百三十五宗申請。部分工會講明旨在發動罷工,亦有人號召部署影響今年九月立法會選舉勞工界功能組別選舉,政治意味呼之欲出。
工聯會理事長黃國擔心有人組織「殭屍工會」,目的只為取得投票權,促請職工會登記局嚴格監察新工會是否真正運作,「若然發現有工會根本無實質運作,選舉管理局應該凍結其投票權。」
黃國慨嘆以往局方對審批工會名稱也極其嚴格,不明為何現在有部分團體以「XX動力」、「XX陣線」等名字亦可登記成為工會,「以前年代,政府把關把得好嚴,每年只批出十幾個申請,現時幾乎個個都話想入紙申請,旨在搞罷工、爭選票,咁樣係咪真係為打工仔好咩?」黃國又話,成立工會唔係講玩,要定期遞交財務報告,又要搵專人核數,要跟足規範。

抗爭風氣由街頭殺入勞工界,短短七個多月有一百三十多個新工會登記申請。

 

工聯會理事長黃國(右二)擔心有人組織「殭屍工會」爭奪投票資格。

 

最近有人公然打着罷工旗號籌組工會,當中最受注目是新公務員工會的成立目的。

 


其實鬥快入紙成立工會唔代表你贏,工聯會立法會議員陸頌雄就話,按照法例規定,有關工會成立後,要正式運作一年,先可以成為勞工界選民,「現時登記組工會,已趕唔切喺嚟緊嘅立法會選舉中,影響勞工界選舉,相信佢哋嘅第一戰線,係嚟緊嘅特首選委。」
民主派上屆取得三百二十七席選委,加上早前喺區選大獲全勝,一百一十七席區議員界別嘅選委票幾成囊中物,合起來已是四百四十四票,若然嚟緊泛民贏埋勞工界嗰六十票,就等於手執五百零四票,距離問鼎特首造王者又近一大步。「黃營」發動人海戰鬥快成立工會,都係想搶頭啖湯,但建制陣營又點會坐以待斃。
陸頌雄話,近日收到唔少人查詢想籌組工會,當中包括來自影視界嘅從業員,「佢哋不想聲音「被代表」,希望籌組工會抗衡一下。」新工會一下子遍地開花,陸頌雄促請勞工職工登記局核實所有工會發起人是否現職該行業,「要查得清清楚楚,防止一人重複成立N個工會。」