為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2020 年 01 月 31 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

新年掃走 負能量

年廿八洗邋遢!
送豬迎鼠。送舊迎新。
我們好好送走負能量,迎接新年新氣象。
不經不覺,影賀年相影了廿多年,每一年都問自己今年影甚麼好?
今年特別有感觸,就年廿八洗邋遢吧!
相約梁釗峰(釗峰)、陳健安(On 仔)、馮允謙(Jay)、黃淑蔓(Feanna)、黎曉陽(Michael)、樂隊Nowhere Boys主音Van及結他手Ken出來「洗邋遢」,除了家中要大掃除,還要洗滌心靈,重新迎接新一年。

年廿八洗邋遢,也要掃走負面情緒,開心迎鼠年!

 


寰亞的年輕一代很好,每個歌手都清楚自己的路要怎樣走,抱着夢想努力向前衝,遇到困難都會極速振作起來。
那天拍攝,我只簡單說了賀年相的主題是洗滌心靈,想想自己如何掃走負面情緒。
沒有說太多,感恩他們一埋位已滔滔不絕。
黃淑蔓被寰亞訓練有素,帶領三位她口中的小師弟做訪問,看到他們成長,深感安慰。她一拿起咪就笑說;「年廿八除了在家中大掃除,也要清走這一年的負能量,大家有乜方法洗滌心靈,令心靈健康呢?」
Jay 馬上回應說:「我會選擇唱歌,唱歌係清走唔開心最好嘅方法。」
而On仔就有獨門秘方:「若有唔開心,我建議你寫低佢,因為喺寫低嗰個過程入面,你會見到其實都唔係咁唔開心啫,然後再掉咗張紙佢,咁就會將啲衰嘢掉晒。」
釗峰說:「我積埋自己可能都唔知,直至有一排瞓得唔好,就知道可能自己壓力大,所以我之前就寫咗首《28天》,教自己有乜嘢都唔可以咁執着。」
十八歲天真爛漫的黃淑蔓,輕輕的直言自己沒有甚麼負能量:「我有乜都唔會積埋,瞓醒覺就唔記得晒。」
問道大家農曆新年的習俗時,在外國長大的Jay說:「我唔知呢個啱唔啱,年初一就會着新衫。」豈料身旁的On仔立即一臉嚴肅地說:「吓,唔係好啱喎!好似唔可以o架!」令Jay也突然懷疑起來,笑問:「吓,唔着得o架?佢係咪玩緊我呀?」一輪歡笑,大功告成。
寰亞大家庭樂融融,祝福香港每個家庭幸福美滿。
唱着「齊歡唱~同慶賀~」開心迎鼠年!