踏入農曆新年，最高興梗係一家人齊齊整整聚首一堂。珠寶設計師莊莎娜﹙Sarah﹚知道祖籍泉州的父親莊哲猛，每年最重視團年和開年飯，於是今年決定與廚藝了得的母親駱英英，合力炮製一頓豐富的家鄉開年飯。滿枱好酒好菜，新正頭開個好年，期望鼠年繼續豐衣足食。

莊莎娜與父母食開年飯前，齊齊碰杯，淺嘗三十年的茅台酒，莊莎娜笑說：「爹哋唔飲酒，全屋最飲得就係媽咪，爸爸收藏啲酒都係留俾朋友。」

九大簋

與父母同住西九豪宅的莊莎娜，這天一早起牀準備豐富的開年飯，她和母親穿上圍裙在廚房內分工合作煮泉洲「九大簋」，菜式有哈蝦大笑﹙乾煎蝦碌﹚、年年有餘﹙蒸龍躉﹚、發財好市(髮菜蠔豉﹚、鮑羅萬有﹙西蘭花鮑片﹚、仲有炸排骨、炸豬頸肉、鴻運豉油雞、黃金蟹和泉州長壽麵，非常豐富。
入廚初哥莊莎娜跟着母親邊學邊煮，先幫手將炸排骨沾上炸粉落鑊炸，又為蒸熟的龍躉魚贊油，不過最考起她是斬雞，她跟着母親指示，手起刀落斬下去，成功一分為二，她笑說：「我第一次斬雞咋，都ok嘅！我平日通常煮西式，好似焗曲奇、蛋糕、炒飯同炒菜等。媽咪煮嘢真係好好味，我啲好朋友上來食飯，會要求整炸排骨同黃金蟹，話好食到可以出去開檔賣！我都想跟媽咪學煮餸，家姐﹙莊菲娜﹚結婚前都唔識煮嘢食，結婚之後成日打電話問媽媽點煮，o依家煮得好叻。」

莊莎娜每年都悉心準備大量色彩豐富的糖果放進全盒，要盤滿缽滿先夠好意頭。

母親駱英英廚藝了得，兩母女合力煮了一枱好菜，色香味俱全。