為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 01 月 29 日

丹蜜濃情 吳丹

都說女人有兩個胃,就算放題、打邊爐食得幾飽,一見到甜品,都會流晒口水。八十後夫妻檔楊德業(Stephen)與吳丹(Tammy),融合對甜品濃厚的感情,和敏銳的生意觸角,先後引入美國人氣甜品店Lady M及糖果店Sugarfina ,大受歡迎。
雖然甜品生意競爭甚大,但沒阻礙二人伸延心思創意,最近再引入另一紐約人氣甜品店Dominique Ansel Bakery ,並以港式小食為主題,將菠蘿包、咖喱魚蛋、檸檬茶等本土小食製成甜點,賣相維妙維肖。
Tammy說︰「我係鍾意食甜品嘅香港人,所以今次做呢間全新概念店時,加咗啲本土特色入去,迎合自己人嘅口味。籌備咗兩年,開張搵師傅睇風水財位,Dominique又親自飛過嚟請廚師。o依家仲趕緊工,希望推出多啲有香港特色嘅產品。」
創意與誠意並駕齊驅,令甜品擁躉吳丹,既可一飽口福,也能順暢地拓展事業版圖。

她透露,情人節將至,新店會繼續大賣創意,推出一對中式點心甜點,「蝦餃、燒賣總係一對嘅,好似拍拖咁,我覺得好得意,希望可以一直賣到白色情人節!」

 

店舖由法國大廚Camille坐鎮,她笑言雖然很想學整甜品,但店內廚師太忙,沒人得閒教她。

 

收銀機放財位

訪問這天,Tammy的新餅店大排長龍,香港人最鍾意試「新嘢」,她的餅店以港式小食甜品作招徠,粉絲又怎會錯過瘋狂打卡的機會?
Tammy與丈夫楊德業,早年於美國讀書,加上丈夫從事地產及零售業,家族有不少地產項目在美國發展,兩夫婦經常港美兩邊飛。五年前二人首次成功引入名媛蛋糕Lady M,掀起全城熱捧;今次再引入紐約星級甜品店,對美式甜品情有獨鍾。
「我同先生以前都喺紐約讀書,對當地嘅飲食文化比較熟悉,我哋覺得美國咁遠,佢哋啲食物,香港人較難食到,況且Dominique發明嘅招牌甜點Cronut(牛角包冬甩),係非常知名。四、五年前,我喺紐約冒住大風雪想排隊買,點知中午十二點已經賣晒;兩年前等到日本開分店先終於試到,真係好好味。之後我透過電郵搵佢,話想同佢合作,發現原來佢太太係台灣人,以前喺香港工作,熟悉港式文化,所以佢都好有興趣,佢又親自嚟睇我哋點運作Lady M,大家都算一拍即合。」
Tammy表示,Dominique是一位非常資深的甜品師傅,其創辦的Dominique Ansel Bakery 在倫敦、洛杉磯都有分店,「佢本人曾經喺美國一間米芝蓮三星餐廳做過總廚,個人好有創意。大家都有自己嘅堅持同想法,比如舖頭名,我地想用中文『當文歷』,地道一啲,但佢就堅持要加番國語譯音『DangWen Li』,因為佢太太係台灣人。而我對風水都有啲要求,會搵人幫舖頭睇風水,每間舖都有做,最緊要睇下財位喺邊,先至放收銀機,呢樣佢就無異議,哈哈!」

切開亮澤的「小籠包」,是由芒果慕絲、雲呢拿慕絲、杏仁餅及新鮮芒果粒組成的餡料,另以一片小白菜朱古力盛着,幾可亂真。

 

伯爵茶佛手柑蛋糕 「檸檬茶」外層是白朱古力片,內層是伯爵茶馬斯卡彭慕絲,配以佛手柑奶酪,茶味馥郁。另有六盒裝檸檬茶造型的原個蛋糕出售。