為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 01 月 24 日

應屆港姐寫揮春送祝福 黃嘉雯以陳凱琳為人生目標

 

左:王菲、黃嘉雯、古佩玲向讀者大派心心,祝大家心想事成。

新春將至,今屆港姐冠軍黃嘉雯(Carmaney)、亞軍及「2019最上鏡小姐」王菲(Fei)及季軍古佩玲(Kelly)寫揮春,向本報讀者送上祝福。黃嘉雯引用大學潮語,祝年輕人「早日出Pool」,搵到心上人拍拖!王菲及鬼妹仔古佩玲分別祝大家「步步高陞」及「吉祥如意」。

三位港姐好用心寫揮春。

寫揮春過程中錯漏百出,有唔少蝦碌位。

 

三位港姐於慈善節目中表演過寫大字,所以曾重拾毛筆練過幾粒鐘,有過上次經驗,今次有板有眼,王菲寫完「平安喜樂」後第一個交功課,還唱好自己說:「寫得唔錯呀!」最搞笑王菲將「步步高陞」的陞字寫成升;Kelly將「吉祥如意」的意字,由日字變成田字,有唔少蝦碌位,不過,Kelly以字體最工整取勝。黃嘉雯笑說:「睇嚟都唔錯呀,幾有書法天份。」

今年三人首次在工作中過年,異口同聲表示好興奮,王菲話最期待返公司(扌豆)利是,黃嘉雯最想(扌豆)家燕姐、嘟姐等阿姐級利是,攞到一定有好意頭,新一年應該會有好多工作做。Kelly笑言:「咁我年三十晚好坐定喺公司等喇。」暫時三人無意嫁人,都想工作行先。黃嘉雯說:「我覺得陳凱琳好幸福,又靚又叻,係終極目標。」王菲欣賞不停闖出事業高峰的視后佘詩曼;Kelly想做十優港姐麥明詩:「佢好犀利,可以兼顧到事業同埋學業。」

黃嘉雯在社交網上載索爆泳衣相,公諸同好。

黃嘉雯視陳凱琳為人生目標,佢好幸福,又靚又叻