為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 01 月 24 日

狠批無綫被迴響嚇驚 李國麟急解畫稱未被照肺

李國麟早前接受某媒體專訪,大肆抨擊無綫現時對的藝人政策及製作,直指公司拍「膠劇」,不進步;又狠批「1年6騷」藝人合約,變相逼藝人借貴利,及綠葉演員要主動找監制尋求工作機會等。

李國麟今日主動邀請傳媒接受訪問,他表示算不上是澄清,但報道出街後迴響大得令他害怕。他說:「如果大家以呢個角度睇公司係好唔公平,依家公司好似俾我踩咁。我唔喺度做就係踩公司,我仲喺度做就係為間公司好。」他坦言不少老友表示看到該報道後感到不舒服,今日他返公司就是跟老友傾談了解一下。

李國麟強調「膠劇」是觀眾說的,「觀眾咁講,我做咗幾廿年,我可以代有份演嘅劇講幾句。唔係TVB劇唔得,係TVB嘅劇集未必符合所有觀眾口味,再加上睇劇模式已經唔同咗。」至於「1年6騷」,李國麟坦言的確有演員向他抱怨過,公司對不同演員作出合適安排,但演員亦要反省是不是不夠長進。對劉江亦宣佈離開,他說:「我同劉老師傾過,佢都70幾歲,唔想太多產。」
問他是否受壓而出來解釋?李國麟說:「有都係我自己做成。(有冇俾高層照肺?)未照,我都幾廿歲人,我覺得唔會鬧我囉,鬧我做乜,會搵我了解件事。」他透露合約到2021年5月,說:「我都係為公司好,唔想公司冧。亦趁機會同大家講聲唔好意思。」