為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 01 月 29 日

「佐治」浪費媾索女機會

喺處境劇《愛•回家之開心速遞》入面,飾演「佐治」嘅張明偉,一二年入行嘅時候,瘦到好似條柴一樣;而有成六呎高嘅佢,竟然只得一百三十磅。
聞說佢因為太過瘦,喺公司曾經有人同佢講:「明偉,你太瘦喇,好難畀有份量嘅角色你做。」於是,佢心有不甘,扚起心肝,開始改變自己。呢兩年,佢日日操肌變成大隻仔,而工作機會又真係接踵而來,先後拍過《愛•回家之開心速遞》、《好日子》、《解決師》等,最近,佢又接拍新劇《踩過界II》。另外,佢做大隻仔後,唔單止事業暢順,連桃花運都旺咗噃。
日前傍晚,張明偉孖住劉溫馨、謝可逸去蘭桂坊一間夜場拍新劇《踩過界II》,劇組休息嘅時候,三個人走去食中東快餐。不過,間餐廳就好細吓,幾個人坐到逼埋一堆,擺明坐得唔係咁舒服,但坐喺張明偉身邊嘅劉溫馨,反而表現得好似好開心咁,佢仲一邊食,一邊眼甘甘笑晒偷望張明偉。之但係,張明偉似乎無反應,仲寧願望住謝可逸玩手機,真係浪費晒機會囉!

變得大隻咗嘅張明偉,即刻劇接劇,仲有份參演重頭劇《踩過界II》。

 

日前,張明偉喺中環拍《踩過界II》,放飯時佢就拉大隊去食中東餐。

 

間舖細細間有點逼,加上前面班小朋友又嘈,搞到張明偉冇晒表情。

 

唔知為乜事,劉溫馨一邊食嘢一邊冧之之偷望張明偉,唔通係愛。