為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 01 月 22 日

盧惠光赤足跑步操到fit

啱啱「登六」嘅武打演員盧惠光(光哥),曾經係八十年代嘅泰拳王,就算時至今日,佢依然力保fit爆身形,又身手敏捷,真係橫睇掂睇,外表都較實際年齡年輕一大截。
早前,東姑就喺紅磡一個休憩公園發現光哥。頭綁頭巾、身穿黑色風褸、藍色泰拳短褲嘅佢,出動到公園做運動、跑步。現場所見,佢仲有獨門嘅練跑方法,就係除低對波鞋打大赤腳,不停繞圈跑步。睇嚟為強健體格,光哥進行地獄式刻苦鍛煉,真係超乎常人嘅耐力,好捱得吓。難怪,連公園流連嘅公公婆婆,睇到佢赤足跑步,都驚嘆到眼瞏瞏喇!
喪跑一輪後,着番對鞋嘅光哥,喺健身架度拉筋,再做一輪伸展運動;跟住,見佢提腿一字馬,舉高腳仲高過自己個頭,可見佢柔韌性強,身手寶刀未老,真係好多後生都唔及佢。其實,除咗拍戲幕前演出之外,年幾前,佢仲同朋友喺工廈單位開咗一間拳館,得閒同朋友上去切磋吓、做吓生招牌,唔怪之得keep到咁fit。就連佢同前妻黎淑賢所生嘅兩個仔:二十歲、????家喺英國留學嘅大仔盧俊諺(Jacky),同埋十四歲嘅細仔盧俊希(Jovan),都跟佢學拳,真係虎父無犬子喇!

打大赤腳嘅光哥,喺公園裏面踩住石屎硬磚地繞圈喪跑,忍耐力驚人。

 

綁住頭巾、着住風褸、boxing短褲嘅光哥,全副戰鬥格出動,加上赤足練跑,引來唔少途人嘅詫異眼光。