為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 01 月 21 日

手腳不靈疑似中風 劉松仁

現年七十歲嘅劉松仁(松哥),兩年前突然停工轉戰幕後,策劃心血傑作舞台劇《利瑪竇》,更加做埋導演兼創作總監。套劇喺舊年四月隆重登場,演出贏盡口碑,由於群情洶湧,要求加場,所以今個月初又再開part2,仲演足八場咁多添。不過,松哥密友同東姑講,孭重飛嘅松哥,原來喺開騷前嘅幾個月,身體突然出現狀況。密友話見到松哥暴瘦兼手震,又話想介紹醫生畀佢,但畀佢婉拒咗。
日前,東姑去捧松哥套劇場,點知見到佢真係瘦咗好多,仲撐住支拐杖,右腳好似無力咁,一拐一拐咁行入去文化中心嘅後台,佢嘅右手長期緊握住,而尾指同食指仲唔能夠完全屈曲,好在精神不俗,仍舊係好靚仔。入到後台,佢講嘢仲係中氣十足。另一日晏晝,松哥同個女助手去文化中心開工,佢落車嘅時候,個女助手扶到佢實一實。東姑問松哥,健康係咪出咗問題?佢就邊行邊笑咁話:「係⋯⋯整親!康復中啦!」
問到松哥係咪太過操勞呀?佢竟然話:「唔知喎!」仲笑笑口反問:「有冇捧場睇show先?」究竟松哥係唔係中風呢?《利》劇嘅男主角王梓軒就三緘其口,至於佢嘅經理人石祐珊就咁樣講:「松哥唔係中風,應該係排練嗰陣跌親啫。佢康復緊,精神唔錯。」東姑都祝松哥早日康復啦!

日前,松哥撐住支拐杖去文化中心開騷,現場所見,佢行路無力之餘,右手長期緊握住,疑似中風;不過,佢就解釋係之前整親。

 

做完騷返歸,好攰嘅松哥,要由女助手攙扶住,慢慢行返寓所。

 

舊年《利瑪竇》舞台劇part1,松哥仲係好精神飽滿,同????家個樣出入都幾大。