為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 01 月 26 日

洗邋遢催運 朱潔儀

年近歲晚,家家戶戶都愛按中國人傳統習俗,在家中「洗邋遢」。
「港姐畫家」朱潔儀(Donna),多年來都習慣在過年前擇定吉時,為全屋大掃除,將多餘的東西清除,或轉贈有需要的人。她又會煲定一大煲碌柚葉水,用來清潔屋內物件,更一邊抹,一邊唸唸有詞,句句好說話。
「每到年底都要去舊迎新,掃走晒過去一年嘅霉運,新的一年好運自然來。」

朱潔儀穿上大旺的紅衣,拿起雞毛掃,為畫具除塵。

 

貴人拖手 小人遠走

朱潔儀擇定吉日,於上周在淺水灣大宅進行大掃除。她先吩咐傭人一早到花店,買了一大扎新鮮的碌柚葉,回家後放進一個大煲裏,加水用明火煲滾,一室頓時充滿碌柚葉的清香,「啲水要煲到好滾,摸落去『辣』手,仲聞到碌柚葉啲味。碌柚葉水嘅蒸氣,滲透屋內每個角落,可以淨化埋屋企嘅空氣,辟走唔好嘅嘢。」
踏進吉時,大掃除正式開始。她先抹大門,再抹餐桌、水晶燈、畫具,甚至連手機都抹;抹完屋企,又走到停車場洗車。她一邊抹,更一邊唸唸有詞,她解釋:「要一路抹,一路稟神咁稟,講多啲好說話。電話都好緊要,等新一年多啲貴人打電話來,貴人拖手,小人遠走;抹餐枱時就要講豐衣足食,成日都有鮑魚食,諗起都開心啊;抹燈就講大吉大利、一本萬利,前途一片光明,祈求新一年全年行好運。」
這些過年的習俗,是由她的母親流傳下來,「我媽咪以前都係咁做,我跟住一樣咁做,開個好新年好重要,由年頭好到年尾。」今年是鼠年,朱潔儀表示絕不引鼠入屋,「人哋話唔好係屋企裏面貼老鼠揮春,會唔好意頭,貼室外就無所謂,貼財神入屋梗係最好啦!」

煲滾大大煲碌柚葉水,足夠抹晒全間屋,驅除所有負能量。

 

今年開過多次畫展的她,不少畫作和畫紙堆積如山,年尾係時候要收拾整齊。

 

她小心翼翼打開上了鎖的雪櫃,裏面放滿鮑參翅肚。