為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 01 月 17 日

老公抱女急步行 吳日言追到變晒樣

Barry抱住個女急急腳行,吳日言一直跟住。

話咁快曾經嘅冬菇頭吳日言(Yan)已經36歲,結咗婚三年,仲有個女林禧茹(Beatrice)。兩公婆拍拖20年,中間曾經分開然後復合就結婚,家陣阿Yan係一間日式飯糰店嘅老闆娘,成日喺舖坐鎮,好親力親為。日前夜晚六點,吳日言一家三口去咗銅鑼灣希慎拎蛋糕,老公Barry Lam抱住女係咁行,阿Yan就係咁跟住,見吳日言跟到變晒樣,好心阿Barry行慢少少啦。 

上到希慎,Barry終於理下個老婆。

之前行到變樣嘅阿Yan終於識笑。

去年12月初,吳日言有份投資嘅日式飯糰店開幕,佢透露開幕活動因為社會氣氛不穩而一度改期,開業一個月坦言生意麻麻,但佢話會咬緊牙關與香港市民同心度過艱難時期。
舖頭唔太忙,吳日言就同老公同個女去銅鑼灣行街,Barry全程抱住個女,阿Yan就一直跟住老公行,佢哋由時代廣場行去希慎,不斷上電梯後到達一間蛋糕店,阿Yan拎單出嚟等攞蛋糕。重點係,由時代廣場開始,兩公婆一個行前一個行後,一家之主抱住個女行得好快,吳日言面有難色跟得幾辛苦,但Barry無乜點等老婆,至去到希慎搭自動電梯時先會望吓老婆,難怪吳日言見到老公笑得咁敷衍。

 

一家三口去到商場先行得埋咗。

行足幾條街就係為咗拎蛋糕。

吳日言有份投資的日式飯糰店。