為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 01 月 16 日

藍醫組聯盟 被指部署參選

「反修例」風暴令醫學界掀起藍黃對陣,月前有五百名藍營醫生聯署撐警,呢個陣營近日發起組織聯盟,仲命名「醫護誠信同行」,希望推動社會重回正軌。有指牽頭人包括港大首席副校長王宇漸嘅太太陳真光醫生,仲有醫學會副會長林哲玄等。有業界人士分析,嚟緊七、八月有醫學會換屆選舉,接着有立法會及特首選委會選舉,不排除有心人想為參選「集氣」。
據悉,該聯盟嘅核心成員有大約十二人,當中不乏名醫,但部分人為免被起底,對加入聯盟一事好低調。本刊向林哲玄查詢,佢承認係聯盟嘅發言人。佢解釋話,組織聯盟旨在發揮業界正能量,反對暴力,「嚟緊會組織醫療義工隊,又會就醫療政策議題發聲,希望社會重回寧靜、自由同公義。」佢否認聯盟係藍營,「呢個時候應該放低顏色。」
外界推測佢哋為未來連場選舉部署,林哲玄就話政治唔係佢哋嘅着眼點,但如果醫療服務都要同政治拉上關係,佢哋唔會迴避。

 

 

聯盟發言人林哲玄(右圖)話,組會係希望聚集醫療界正能量,唔係為選舉。有指牽頭人包括陳真光醫生(左圖)。

 

藍營醫生聲勢唔弱,早前有五百醫生發起聯署撐警。