為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 01 月 17 日

金銀滿屋 金鈴

年近歲晚,又是辦年貨的時候。有「金槌拍賣官」之稱的金鈴,每年也會豪花萬元辦年貨,她特別喜愛買靚海味、應節糖果及禮盒,務求踏入鼠年,人人吃得開心盡興。
愛美的她亦喜歡為家居添上新春裝飾,為居所增添新氣象。「我每年仲會親自封利是俾親朋戚友,單單封利是錢,已花費六位數字!難得過年嘛,呢啲開心錢係要使嘅。」

人在九龍塘的大宅內,金鈴祝賀大家年年有餘,鼠年行大運。

 

大手筆送禮

金鈴的拍賣經驗豐富,但說到辦年貨,她也在行。每逢農曆新年前,她都會抽空四出搜購賀年禮品,送贈親朋好友,聊表心意。今年,她除了精心挑選布置家居的賀年裝飾,還去了上環的海味店掃貨,「我成日都嚟呢度買海味,同老闆好熟,買海味我鍾意幫襯一啲香港老字號,當中我最鍾意食花膠。喺我大肚同坐月嗰陣時,老公收藏咗好多花膠,發咗之後好大隻,夠我一星期食幾次,食到後期幾乎見到都想嘔,所以我對揀花膠都有啲心得,最緊要揀啲厚身,同埋表面金金黃黃嘅就係最靚!
「至於鮑魚,就梗係頭愈少、愈大隻嘅陳年溏心乾鮑最頂級啦!老闆話北方四島嘅野生鮑最出名,不過,一斤三、四頭嘅鮑魚成幾萬蚊,太貴嘞!一家人平時食飯,我都係買開中價貨,係細隻少少,但係好夠食o架嘞,況且小朋友都唔食得咁多。」
作為拍賣官的她平時見慣靚嘢,但在現實生活中,她自稱貼地,「鮑參翅肚都係大時大節或者用嚟招呼朋友先食,冬菇、瑤柱呢啲我都好鍾意食,仲幾時都咁啱食添。」

識飲識食的她,過年用的鮑參翅肚不可少,她更即場請教海味店老闆揀靚花菇的秘訣。

 

每逢農曆新年,金鈴都喜歡購買應節新春裝飾,為居所增添新氣象。花費僅數百元,她稱一年一次無所謂,部分裝飾還可以循環再用。