為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 01 月 09 日

民記組「議會監察」 明向泛民宣戰

泛民早前喺區議會橫掃多個議席,攞晒頭彩,正所謂風水輪流轉,呢趟輪到建制派成為「在野黨」。民建聯將喺十八區成立「議會監察」組織,由副主席陳學鋒率先喺中西區推行。佢話,會以「影子議會」方式,以公民身份監察各區議會嘅運作,包括睇實新一屆區議員有無瀆職、濫用公帑及濫權等。睇嚟未來四年嘅區議會,想平靜無浪都幾難。
陳學鋒話,擔心喺新一屆區議會有議員可能藉圍標圖利,又或者以公帑舉辦電影放映會等個人政治宣傳,嚟緊會望到實一實,一旦收集到證據,就交畀政府相關部門跟進。到底點樣監察最實際?陳學鋒直言會留意區議會議程、聽會、睇文件,再透過社交網絡轉播會議,及由地區幹事就政策討論,即係一條龍監察。
建制派喺今屆區選拎到一百二十萬選民支持,唔少建制議員嘅得票都畀上屆有所增長,呢股力量無理由輕易放棄。今次民記帶頭整個監察平台,仲話歡迎建制政團同市民一齊參予,有無箍票意味?相信已經呼之欲出嘞。

 

 

陳學鋒(左三)率先喺中西區推行「議會監察」,睇實班新議員有無濫權或者濫用公帑。