去年結束七年婚姻的名媛徐綺雯(Candy)，重新上市一年多，生活愈見精采，除了繼續模特兒和律師樓的工作外，還要打理珠寶生意及投資美容院。
育有一子的她，為迎接新一年來臨，近日由內至外重新「裝修」，務求重拾最靚body。她先到旗下美容中心做療程，由「收陰」開始，之後到背部、腰部，達至內外緊緻，之後再去買衫過新年，「離婚後個人反而開心咗，因為可以做自己鍾意做嘅事。我亦逐漸建立起事業，呢家有時間會去吓旅行，同前夫關係仲好過以前，個仔一樣有爸爸同媽媽愛錫，單身生活同樣過得精采。」

她見到藍色旗袍馬上拼上身試，見到披肩質地軟熟，又攞上手試用，樣樣都o岩心水。

操肌收陰

徐綺雯雖然已為人母，但身型仍然fit爆，原來她日常很注重身體調理，「我有做開運動，平均兩星期去一次美容院，我唔想做啲入侵性美容，怕有後遺症，o依家科技先進，勤力啲做收身美肌療程，效果都可以好好。」
本身瘦底的徐綺雯，表示因早前去旅行，及在節日吃得放肆，搞到體形脹了一個碼，現在要「還債」。她先到銅鑼灣的美容中心扎肚收腰，又以HIFU(高能聚焦超聲波)為背部和下巴溶脂，脂肪一滴不留；再坐「收陰機」，保養由內開始，鍛煉盆骨底肌肉，令子宮和陰道回復彈性，並改善黑色素及避免年長婦女滲尿情況。問她有效用嗎？她笑說：「要搵個男人試下至知，但我o依家單身噃，哈哈！不過我有朋友試完，就話即刻有效，又有個auntie之前忍唔到尿，做完三次，之後唔使去夜尿。」

兩個鐘後，以脂肪夾量度，原本34mm的脂肪量，下跌到28mm，略見成效。

徐綺雯本身已經是瘦底，再做療程收緊背部的多餘脂肪，令玉背更白滑，穿露背裝都唔失禮。