為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 跟我去Social 2019 年 01 月 03 日

周美鳳

公關界女強人,八六年參加香港小姐後進入娛樂圈,九六年由幕前轉型從商,創立Frement公關公司,人稱「周董」,相識滿天下。娛樂圈閨密朋友,粒粒皆巨星天王天后級人馬,經常要Social,對社交Ball場軼事瞭如指掌。

人間仙境 紐西蘭

來到紐西蘭,一如我所料,天朗氣清、藍天白雲、空氣清新,風景靚到真係要講「Oh My God」。其實紐西蘭是一個大自然國家 ,尤其喜歡户外活動,喜歡大自然的人非常適合嚟呢度慢活人生。這裏的戶外活動特別多,來到Queenstown,一定要來一次:笨豬跳、降落傘、踩單車、爬艇仔、騎馬、行山,上天下海,動靜皆宜。
在我們的酒店後有一條小徑,一路行直通去市集,沿途湖邊風景靚絕,太陽西下,松林兩邊,雖然夏天氣溫還是冷 但短短四十五分鐘路程,不禁拍了一百張以上照片。市集有大大小小嘅特色小店,令人花多眼亂。有樣嘢不得不提,就係紐西蘭出產嘅雪糕真係非常好食,軟滑甘香可口。另一個大家必吃的超人氣大漢堡,就是「Fergburger」啦!每天店外都大排長龍,漢堡使用紐西蘭頂級牛肉,無論色香味都係一,絕真係食完再想食多一個。

陶波湖Lake Taupo是紐西蘭最大的淡水湖,也是世界上最大的火山湖。

 

紐西蘭戶外活動特別多,今次我女兒先代我跳降落傘,下次一定要親自跳一次。

 


成個旅程我都玩咗好多不同類型的户外活動,唯一令我後悔就是我沒有跳降落傘,原本已經很勇敢報名參加,點知我兒子就不停嚇我,嚇到最後唔敢玩,但我的女兒偏偏天不怕地不怕,自己一個人上午先去跳降落傘,下午再去笨豬跳,回來後更與我分享跳降落傘的精彩片段,仲話一生人一定要跳一次降落傘,實在太刺激。
今次的紐西蘭之旅實在太舒服,每日都好像活在大自然一樣,被樹木包圍之下身心都跟隨着靜下來,好好享受着這一片寧靜,連平時響個不停的電話,也跟着寧靜下來。每日踏出大門,放眼都是樹木森林,讓你不自覺地放慢腳步,暫時放下在香港急促的生活節奏,不妨考慮一下退休來紐西蘭慢活人生。
紐西蘭真係一個非常值得去旅遊嘅地方,我已經決定趁六月是紐西蘭的冬天,我一定要再重臨紐西蘭滑雪。總之真心推介呢個好地方,正!

紐西蘭出產嘅雪糕真係好食都停唔到,我對仔女直頭捨不得離開。

 

超人氣大漢堡Fergburger,用紐西蘭頂級牛肉,色香味都是一絕。