為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 12 月 29 日

欠賭債請辭人大 張俊勇:「我都係受害者。」

港區人大代表張俊勇最近被美國賭場入稟追數,佢唔想影響人大團隊形象,日前馬上提出辭職。不過關於佢嘅傳聞未有因此停落嚟。金融圈流傳佢因為炒燶Accumulator(累計期權),仲講到輸成四億元咁多,又盛傳佢鍾意玩德州撲克,每次上落七、八萬蚊,相當豪氣。本刊向佢查詢,佢劈頭就話:「廢話連篇!」
○八年金融海嘯前曾經大受歡迎嘅Accumulator,一度好受富豪、政商界有錢人歡迎。但未幾唔少買家中招輸到仆直,更直言原來係「I kill you later」。雖然呢種投資超高風險,但亦有投資者就係貪佢風險愈高,回報更高。張俊勇係咪因為炒燶Accumulator,先搞到捲入賭債風波?
張俊勇話,自己喺有關賭場作正常娛樂消遣,但理解到內地對賭博好忌諱,「有人可以繼續做,但我過唔到自己嗰關。」所以佢選擇辭職,仲話自己有變賣好多資產,無逃避欠債,早前都透過律師團隊同有關賭場交涉,提出還錢方案,推測事件背後可能同佢喺美國投資嘅高科技項目有關,形容自己係受害者。
人大呢次人事變動,到底由誰人補上?盛傳人大將按前年選舉結果嘅得票,由教育工作者聯會會長黃均瑜補上嘅機會最大。

張俊勇因涉及債務問題已向人大常委會提出辭職,有待人大常委會通過。

 

張俊勇(右一)曾是最年輕嘅港區人大之一,年前佢初次上京開會,還雀躍地拍照留念。