為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 12 月 24 日

關慧玲

《東周刊》社長兼總編輯。

「二號橋之戰」後

中大校園在「二號橋之戰」後,暫時離開了風眼,可以喘息一下。上周跟中大評議會主席林偉雄(Enders)回去睇過,原來中大已在緊密修復中,校園本部曾被塗鴉的地方,大部分已清理了,飯煲底最受關注的「暴大反抗」標語(圖上),亦已清除(圖下)。
最受影響的崇基校園,也比兩個星期前理想,許讓成樓門口被打爛的玻璃門已重新裝上,路上地磚已搬離,再鋪上石屎,至於在行政樓外的保安更亭,則仍在關閉中,「校方有諗過將佢移近崇基大門入口,但又擔心影響大埔道交通。」部分建築物標語仍未清理,見證月前騷亂時這裡人馬疊疊的狀況,行到重災區運動場旁的荷花池,靈氣依舊,再有陣陣鳥語傳來;連雀仔都繼續棲息在此,環境應該可以。

這已是Enders第N次帶校友回校,「中大校園有沒有滿目瘡痍,講無用,親眼睇最好。」八七年聯合書院市場系畢業的他,早前幾乎停晒所有工作,救中大優先。佢話畢咗業嘅人都仲咁肉緊,第二間大學未必搵到。最危急那兩天,他有份幫手車走滯留校內學生,不知出入了多少次,「就是知道勇武同中大學生有爭拗,擔心有咩事。」他接觸的中大生,示威之餘卻又到處阻止外人搞破壞,例如中大文物館內外貼滿標語,大大隻字寫到明「文物咪搞」、「認真咪X搞,一搞XXXX(粗口)」肯定是出自學生手筆,顯示他們還是有愛護這地方的本質。其實,跟其他大學不同,唔少中大人在讀書年代都曾在校園住宿過,至少屈過蛇,當這裡屋企一樣,感受自然不同。
本身是香港表廠商會會長的Enders,在聯合書院校友會做了多年,而中大評議會是代表二十多萬中大校友的法定組織,年前上任嘅前法官陳碧橋因病請辭評議會主席,便由Enders以後補頂上。校友圈子就好似小社會,咩政見的人都有,Enders話加強溝通最重要,之前他便和一批不滿校方處理「二號橋之戰」嘅校友傾偈,再帶佢哋行校園,總算令呢班校友暫時放心,畀時間校方善後。
多部被破壞的校巴爛鐵一樣被堆放在范克廉樓旁,據說,校內一百七十多部包括大小型的旅遊巴、電單車等,約一半被郁動過,多數是匙膽被破壞,校方唔敢冒險,一於換過,計算埋校園各項修補,五、六千萬裝修費用應該走唔甩,不過環顧其他大學,中大算是不幸中之大幸。