為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 12 月 28 日

被遺忘的時光 馮素波

有否想過,七十五歲的你,還想做甚麼?
七十五歲的馮素波,將於大會堂舉行演唱會,用兩小時獻唱懷舊金曲。
唔係呀嘛?!
是的,曾一度電視撈飯的你我,會認為這個演甚麼也入木三分的「金牌長門人」,跟演唱會風馬牛不相及。求教Google大神,不難發現她於YouTube上的歌唱短片,而且高音甜、中音準、低音勁;更驚喜的是,舞台上、聚光燈下,馮素波終於是主角。
「六十年代我開始登台,係為咗搵食,點知一唱,眨吓眼就唱咗十五年,直到香港嘅夜總會文化轉變,我先至冇唱。不過,上天安排得好好,呢家又興番懷舊金曲,初初啲人都唔知我識唱歌o架,只係想搵個有啲知名度嘅藝員去唱,咁又俾我有得唱番喎。」
穿起華麗戰衣,站在「舞台」上的馮素波,初時擺的甫士,跟她唱的金曲一樣懷舊。攝影師於是着她即席表演,沒開聲準備下,她手到拿來地唱出:「是誰在敲打我窗⋯⋯」喚醒她那一段被人遺忘的時光。

 

 

馮素波將於12月30日,跟胞妹馮素雲及妹夫余子明等,於大會堂舉行《素仰大明演唱會》;三人早於一四年合作過一次。

 

沒夢遊的愛麗斯

電視劇中的馮素波,是好媽媽、壞媽媽、正派智者⋯⋯現實中的她,聲如洪鐘但語調溫婉,不時還會自製Gag位,而你未必知道的,是她的英文名字:Alice。
「細個嗰陣,由廣州嚟香港,要讀英文補習學校,咁就要有英文名,我當時嘅英文名係『Fung So Ball』,好風騷咩我?於是老師就俾咗三個名我揀:Emily、Amy同Alice,我媽媽就揀咗Alice,因為Alice in Wonderland吖嘛!」
馮素波的父親為已故大導演馮峰,她跟同父異母的妹妹馮寶寶,同為叱咤一時的「七公主」成員,但畢竟人生不是夢遊仙境,Alice還是要面對現實。「六十年代粵語片開始式微,但仍然有人請『七公主』做剪綵嘉賓,我第一次真正上台唱歌,就係有一次獲邀出席開幕典禮。
「講起嚟都有啲傷感,個老闆嗰時同我講:『趁o依家未有人客,你唱隻歌俾我聽吓。』,未有人客先叫我上台唱咋!嗰陣我學咗十零首時代曲,都未試過真係上台同隊Band夾,而當日嗰隊Band全部都係菲律賓人,我就哼咗〈相思河畔〉嘅melody俾佢哋聽,就完成咗我第一次嘅表演。」
一曲〈相思河畔〉,令馮素波轉型成歌手,開始其夜總會登台生涯,還要到外地演出。「六七年我去泰國登台,本來都冇諗過留好耐,點知嗰年香港有社會活動,我媽媽就叫我唔好返香港,我就足足喺泰國唱咗十一個月,之後先返番香港唱。」

因父親關係,馮素波(左二)也曾當童星,並與李小龍(右一)在《細路祥》中合作。

 

跟兒子David的感情要好,訪問中馮素波每談及兒子,也是一臉欣慰。