為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 12 月 20 日

建制踢走郭榮鏗 泛民拉布致內會停擺

立法會內務委員會日前召開第十次會議,因建制派拒絕讓郭榮鏗連任副主席,泛民即玩拉布,令內會至今仍未選出正副主席而繼續處於「停擺」狀態。
泛民呢次企得咁硬,皆因唔想建制派包攬內會正副主席,而建制中人就對此另有解釋,「以往讓個副主席位畀郭榮鏗做,係希望佢幫手做政府同泛民之間嘅溝通橋樑,但經過一段時間觀察,發覺佢乜都做唔到。」
今次建制同泛民各不相讓,有傳拉布戰隨時拖到暑假。內會停擺驟看係小事,但財委會主席陳健波話,未能選出正副主席,會影響立法會大樓好多運作,亦未能組成行管會,「香港無法前進,真係非市民之福!」

睇唔過眼嘅陳健波喺會上火併郭榮鏗,更揚言爆血管都要同佢拚過。

 

建制派炮轟郭榮鏗未能有效主持會議,建議換人。