為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 12 月 19 日

醫護工會擬罷工 私家醫生候命救急

醫護界不滿政府情緒升溫,尤其係一班前線覺得用人鏈抗議咗多次都得唔到特首回應,有意將行動升級,盛傳第一波會喺公立醫院急症室發起罷工,癱瘓其運作。搞急症服務,即係搵人命較飛,可以好大鑊,醫學會內有部分私家醫生對此十分擔心,於是私下計劃組隊「雷霆救兵」,一旦公院急症室失守,就急召同行頂上。
不過醫學會會長何仲平就話,暫時未收到醫管局通知要幫拖,「如果有需要,一定樂意配合。」佢話醫護罷工影響深遠,「罷課最多補番堂課,急症服務關乎人命,死咗就救唔番!」
到底罷工搞唔搞得成,好睇近日幾個新成立嘅醫護工會有幾大號召力。呢排佢哋發起「三罷」,揚言會喺唔影響緊急服務下發動工業行動。有前線醫生話,如果罷工搞得成,相信新上場嘅醫管局主席范鴻齡應該好頭痕。又話自從范上任後,部分醫護對佢嘅背景好有意見,擔心言論空間會被收窄。
話說有職員十一月底曾收到局方電郵,提醒佢哋一旦因為違法行動被捕,會根據人力資源部門政策嚴肅跟進,隨即引來前線醫護鬧爆,指局方出言威嚇。范鴻齡之後急急強調,絕無搞白色恐怖,話只要一日未定罪,都會視當事人係無罪。

踏入流感高峰期急症室求診人數增,一旦有前線發起罷工,勢必影響服務。

 

醫護界近日多次喺公立醫院發動人鏈陣,引起醫管局高層關注。