為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 12 月 23 日

粉墨魔法師 劉德偉

一雙巧手可以令人回春,擁有這神乎奇技的,正正是有「化妝界胡歌」之稱的前TVB化妝師劉德偉 (Stephen)。三十二歲的Stephen自從幫汪明荃化過不少回春靚妝後,於短短幾年間,由寂寂無名小伙子,躍升到星級化妝師,不少阿姐級及花旦如葉德嫻、薛家燕、王君馨、李佳芯等,都紛紛找他化妝,令他聲名大噪。
「我化妝重創意,鍾意去旅行攞靈感,如印度好多建築物嘅顏色、結構線條都好特別,可以放落眼影或嘴唇,做藝人保持新鮮感好重要。」
他稱最感遺憾是無做過香港小姐化妝師,便離開了舊東家,現以事業為先的他,還計劃開設化妝學校,為更加年輕的化妝師,創造就業機會。

三十二歲的Stephen是現時炙手可熱的男化妝師,他話︰「有啲客同我講,話女仔化妝係俾男仔睇嘅,所以佢哋覺得搵男仔化妝,男士會更識得欣賞。」

 

Stephen與汪明荃合作無間,去年為她的雲頂演唱表演化妝,家英哥也有捧場。

 

多得汪阿姐

相約劉德偉在灣仔一間餐廳做訪問,身高近六呎的他,穿上啡色格仔西裝,擺Pose影相入型入格,難怪傳媒都稱他為「化妝界胡歌」。追求完美的他笑說︰「睇人影相睇得多,自己都學到啲嘢,我未入行前都做過模特兒,加上自己貪靚,好多朋友同我旅行影相,都話我麻煩o架 。」
三十二歲的Stephen,從事化妝師接近十五年,〇七年為TVB劇集《野蠻奶奶大戰戈師奶》 負責造型,而被Liza姐賞識,隨後成為她的御用化妝師。近年,Liza姐頻頻在IG大Show不老回春妝,引起熱話,更令Stephen聲名大噪。
他說非常感謝Liza姐對他的信任,猶記得當初入TVB,就以Liza姐為目標,「我〇六年入TVB,嗰時月薪得四位數字,但自己有個目標,就係五年內要幫Liza姐化妝,做完五年就走;點知入去第二年,咁啱我負責時裝版《野蠻奶奶》嘅造型,大家都讚好,因為呢套劇,令TVB啲人認識咗我,之後發展就好順利,其後Liza姐啲節目造型都由我包辦,佢登台又會搵埋我一齊去。」
除了Liza姐,Stephen亦幫過不少紅星化妝,如葉德嫻、金燕玲、陳寶珠、王君馨、李佳芯、李施嬅及胡蓓蔚等。幫前輩級藝人化妝,壓力自然不小,Stephen話要保持水準,就要比他們要求更高,「如果唔係,佢就有位去Challenge你。你要同一個要求咁高既人合作,你要比佢想更快,更加要大膽、創新,令佢覺的有驚喜,佢自然相信你。好似Liza姐之前做綜藝節目《娛樂大家》,都成日問我意見,又叫我快啲諗定每集造型,好多謝佢咁信任我。」

王君馨跟Stephen非常合拍,他指她的樣子可以消化到很多妝容,非常「好化」。

 

李佳芯素顏亦甚漂亮,在Stephen畫龍點睛下,更凸顯清麗脫俗。