為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 12 月 13 日

港大聘外籍保安 理大都來搶?

過去最自由嘅大學校園,近日變得滿目瘡痍,中大、理大及港大都安排保安把守,只限學生、職員同獲授權人士進入。當中港大校園都多咗身型魁梧嘅非華裔保安巡邏。
非華裔保安以往較常在演唱會或大型品牌活動出現,近日幾間大學爭崩頭請人,有傳日薪叫價一度高達二千五至四千元,仍然好難請人。聽講有港大中人熟悉搞呢門生意嘅負責人,才好快成事。盛傳港大為此仲花逾千萬元。有指理大一樣為了加強保安,不惜高薪向港大呢班保安挖角。
講番港大,話說早前有黑衣人懷疑拎咗大量水泥倒入站內嘅升降機槽,水泥硬咗黐到實一實,無法再用,維修工程要整半年以上唔奇。無咗港鐵直達,學生呢排返學惟有由西營盤站步行廿五分鐘返學。有學生話,今次班抗爭學生自己搞死自己,認真捉蟲!

港大校園近日多咗健壯高大嘅外籍保安,聽聞呢批新血好搶手,吸引其他校園挖角。