為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 12 月 03 日

鄭嘉穎抱囝囝玩水 陳凱琳肉緊錫錫

陳凱琳(Grace)去年8月下嫁鄭嘉穎,並於今年2月誕下兒子鄭承悅(Rafael) 。有仔萬事足的她,不時在社交網分享寶貝仔萌照。近日天氣轉涼,今晨只得18度,但兩公婆唔怕凍,依然帶囝囝去游水,並於Instagram貼出一家三口游水照,其中一張是 Grace肉緊攬啜囝囝,眼仔碌碌望住鏡頭的Rafael狀甚無奈,認真Cute到爆;另一張則是嘉穎兩父子在泳池中央玩水,見他抱住囝囝笑到見牙唔見眼,相信都好Enjoy!

Grace留言稱好喜歡跟Rafael共度時光,並謂無論一件事做多少遍,能見到囝囝逐漸適應又學識享受過程,她便覺得一切都值得,她以英文寫道:「第一次帶Rafael去游水時,佢好困惑同驚!????家佢仲嫌游得未夠呀!」此外,Grace亦罕有地晒比堅尼照,雖然只睇到其白滑玉背,但仍引來一班粉絲大讚她"Beautiful"!

陳凱琳難得著比堅尼晒玉背,好索呀!

 

陳凱琳表示好享受跟兒子Rafael共處的時光。

 

鄭嘉穎在水中抱起Rafael,慈父樣出晒嚟!