為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 12 月 06 日

李立峯 黃梓謙 入「獨檢會」呼聲高

街頭持續多月嘅暴力示威,未有因區議會選舉落幕而降溫,示威者仍未完全收貨。特首林鄭月娥近日改口風提議籌備成立一個「獨立檢討委員會」,探討動亂成因,仲廣邀社會領袖加入,即時掀起一番「估領袖」,紛紛推測誰人會入局。
據知部分社會領袖因擔心「跟車太貼」會被「定型」,日後想翻身都難,即使獲邀都話要諗吓先。於是焦點落在學者同青年領袖身上,貪佢哋形象健康、立場中立。有傳當中以中文大學新聞與傳播學院院長李立峯,同埋民主思路前聯席召集人黃梓謙呼聲甚高。咁蹺兩人近日喺校園圍困戰中積極參與調解,其中李立峯喺催淚彈橫飛嘅中大二號橋一仗上,主動走去前線同抗爭者促膝長談,令校方同政府高層對佢另眼相看;加上李院長擅長做民調,掌握到社會脈搏,搵佢入「獨檢會」,應該有一番作為。
至於黃梓謙,佢係第一批拍住立法會主席曾鈺成等人,入去理大營救學生嘅青年領袖。到底兩人會否入局?本刊曾向李院長查詢,直至截稿前仍未有回覆。黃梓謙就話未收到邀請,若然獲邀,都要先了解具體工作要求,同委員會目標能否符合公眾期望,先決定接唔接受。

李立峯(左)擅長做民調,黃梓謙(右)就善於同年輕人溝通,兩人被羅致入「獨檢會」呼聲高。