為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 12 月 05 日

撲水遇冷待 大學發展亮紅燈

內地多間大學近排頭頭碰着黑,捲入抗爭風暴嘅中大同理大,校園的「外傷」固然嚴重,但財政的「內傷」也絕不簡單。撞啱政府近月接二連三抽起撥款,一眾大學校長未敢出聲之餘,就連急於要錢復修校舍都唔敢伸手住。有大學校長私下透露,會先睇下校方嘅儲備夠唔夠,必要時墊支做咗部分復修先再等撥款。以今次復修理大為例,官方仍在點算損失中,未計好條數。
工程界立法會議員盧偉國話,佢同兩位分別負責國家級實驗室嘅理大教授傾過,一位話佢嘅實驗室不幸中之大幸,基本完整,但知道有其他實驗室因濃煙引發灑水器啓動而導致水浸,部分設施浸壞咗;另一位就話未能檢視,要稍後先知情況。盧偉國話,部分國家級實驗室及其他實驗室嘅儀器價值不菲,一旦受損,或需花大筆金錢維修,擔心除了影響教學進度外,研究停滯亦不利大學嘅世界排名。

 

 

先後捲入抗爭風暴嘅中大同理大,損毀程度嚴重,復修費用隨時是天文數字。

 


最終復修費係幾多?佢話目前難以估算,相信會以億元起跳「裝修家具等損毀外,最重要係睇埋電腦、通訊同消防系統,以及各種儀器、教材等損毀情況,所以要詳細檢查先知損毀有幾嚴重。」
對於近日政府一共抽起約十六億六千萬嘅撥款,有泛民議員批評政府玩報復,又講到建制派要懲罰學生;盧偉國慨歎係泛民借題發揮:「幾筆撥款都涉及擴建,現時幾間大學都有唔同程度嘅破壞,不如審視清楚損毀情況,再諗吓擴建工程應該點做仲好。」
政府勒緊荷包,一向捐開錢畀大學嘅商家都閂水喉。某知名大校校長對本刊直言,近排富豪飯局立即少咗,「部分商家近期對捐錢畀大學有意見,見到我哋都兜路走。」富豪唔食飯,未來捐款肯定十分困難,事實係,香港嘅大學庫房,好靠富商巨賈慷慨解囊,現在佢哋水喉一閂,咪話唔頭痕。
大學呢次淪為「兵工廠」嘅風波,點計都令形象大打折扣,部分曾經捐錢支持嘅商家都話心淡,慨歎學生唔珍惜,呢頭整得美輪美奐,轉頭就同你拆爛晒,嚟緊都係唔捐好過。此外,亦有社會領袖促請立法會議員監察大學嘅管治,唔好一味只係撥款。但有建制派議員透露,係現行機制下,大學有絕對自主權,佢哋曾向政府高層反映,但得到嘅回應係「唔管得咁多!」

政府近日一共抽起約十六億六千萬嘅撥款。