為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 12 月 06 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

走出去的雨樹

早前我用四日時間速行星、馬、緬,跟隨星邁黎亞(Samanea)公司嘅發展足跡,睇下佢點樣沿一帶一路「走出去」。星邁黎亞係中國聯塑(2128)旗下公司,聯塑喺國內從事建材家居產業,而星邁黎亞就專注發展全球商貿平台。
Samanea係「雨樹」嘅拉丁學名,喺新加坡從樟宜機場出市區沿路都會見到,但雨樹並唔係新加坡原產,而係李光耀由中美洲引入,所以本身都有飄洋過海「走出去」嘅意思。雨樹外觀同平常樹木唔同,枝葉特別繁茂,所以樹冠極為廣闊,加上樹幹較矮,外型肥肥矮矮,睇上去好似一把遮,幫下面嘅人遮風擋雨。呢一點亦都同公司嘅理念好相似,希望幫助想「出海」嘅中國企業遮風擋雨,順利開拓海外業務。
內地推動一帶一路,唔少中國企業都希望隨國策沿路走出去,但唔係間間公司都有足夠人力物力獨自外闖。星邁黎亞配合國內企業需要和海外市場實況,為客戶搭建營業平台,並因應客戶本身嘅規模同業務性質,幫佢哋設計海外營業模式。公司已經在緬甸、泰國、柬埔寨等東南亞國家發展多年,熟悉當地商貿、物流、金融等狀況,除實質店舖外亦提供一站式解決方案。

星邁黎亞麥原(左)帶隊到星、馬、緬參觀。

 


目前公司業務覆蓋九個國家十二個城市,亦正積極開拓新市場。我今次三地行由星邁黎亞戰略委員會執行主任麥原(Michael)帶隊,一抵埗即去新加坡總部參觀,之後到緬甸仰光,然後去大馬吉隆坡睇下公司首個國際家居中心項目。吉隆坡中心面積近一萬七千平方米,共四層有一百間商店單位,現時已有幾十個國際和當地品牌進駐,可以為住宅、辦公室和商業空間提供設計構思和傢俬。
吉隆坡平台其中一個特色,係有半層撥作線上線下體驗廳,內地品牌可以放置部分產品作為展示,客人體驗過可以掃描QR碼到品牌指定網店購買,傢俬會直接送到客人屋企或辦公室。呢個模式適合較細規模或較新品牌,唔使投資太多就可以將自家設計推出國外,測試市場反應,之後再決定係咪進一步開拓海外市場。星邁黎亞除咗幫助內地企業走出去,對於海外市場亦有貢獻。好似吉隆坡呢個場開業之後客流不如理想,公司提出將佢重新定位做家居中心,結果成功令佢「翻生」。
另外,今年四月公司同迪拜發展商簽約,投資約十三點三億元人民幣發展星邁黎亞迪拜商城。迪拜商城建築面積逾十五萬平方米,規模更大,除傢俬更覆蓋裝飾建材、燈具、酒店用品、小商品等行業,作線下展示及交易平台,預計於二○二一年落成,屆時會按照入駐商戶及採購商需求,發展銷售渠道延伸、全媒體廣告投放、會展營銷及行業協會建設等服務,建立完整嘅市場服務,全面幫助商戶,切合Samanea嘅遮風擋雨精神。
不過呢種營運模式並非每個市場都行得通,Michael解釋,星邁黎亞嘅優勢之一就係能夠真正落地,按照當地情況設計生意,好似我行程其中一站緬甸仰光,就係另一種業態,下星期續談。