為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2019 年 12 月 10 日

黃浩然 有種責任

黃浩然入行廿二年,從拍電影開始,再走入電視界,沒有太大高山低谷,皆因他從來都是個安份守己的人,只顧有劇便開工,即使○五年跟拍拖四年的形象指導莫家嘉結婚,一一年太太誕下大仔Kayden,他都只是專注如何把角色演繹得更好。
「我係個典形處女座,個人好麻煩,我會好執着個角色:點解佢會喺呢刻失咗理性呢?跟住就會有無形嘅壓力,然後就會影響演出……哈哈哈!」
直至兩年後,細仔Ransley出世前,太太終於向他求救,希望他可以陪伴自己待產。「我嗰陣先叮咗一吓:係喎,我應該要諗吓,家庭同事業要點樣攞個平衡。」
然後,到了一四年,因為缺乏休息,在開拍《張保仔》前,突然患上貝塞特氏症,急需入院治療。「呢個message係話俾我聽,健康同家庭、事業,原來都一樣咁重要!」
繼續開工拍劇,其他時間均以家庭和健康為重,本來應該可以如此過下半生,但到今年,在導演杜琪峯的拉攏下,他決定簽約古天樂旗下的經理人公司,藉此再闖影壇。「呢個諗法,我斷斷續續都諗咗兩、三年,只係自己一直鼓唔到勇氣。呢家簽咗,都叫做跨出咗comfort zone一步。」
願意為自己的家庭、健康和事業際遇負上責任,一個四十四歲的熟男,理應如此。

 

 

工作狂

黃浩然是○七年加入無綫的。「係監製黃偉聲搵我拍《兩妻時代》,咁我就入咗嚟。嗰陣由拍電影轉為拍劇,因為市道好差,冇嘢撈,一年只係開到十幾日工。」
開始拍劇後,待遇不薄,多年來都是劇接劇。「我好相信性格定命運。我以前係個幾保守、幾安於現狀嘅人,一路有劇拍,我咪拍劇囉,冇諗過有冇乜嘢可以突破自己。」
一一年太太莫家嘉為他誕下大仔Kayden時,他仍是在事業衝刺狀態。「我太太有第一個小朋友時,屋企冇工人,我又唔喺度,佢一個人孤軍作戰,要搵人斟杯水都冇。我工作狂到佢生嘅時候,我拍緊《我的如意狼君》,去醫院剪完臍帶之後,我就返去開廠。拍完《如意》三日,我又開《拳王》,所以我個仔出咗世頭嗰半年,我都冇乜抱過佢,好似唔識佢咁。」
猶幸至一三年,佗着細仔Ransley的太太,終於忍不住開口求助。「佢同我講:『你真係唔好接嘢啦,我頂唔順啦!』我先至真係叮咗一吓!係喎,佢籮咁大個肚,又有個大仔,真係會頂唔順o架喎!咁我都應該要配合吓佢,專登攞咗假。」

一九年的《多功能老婆》,「飛飛」與「尚劍雄」。

 

黃浩然與太太莫家嘉結婚十四年,自誕下兩個兒子Kayden和Ransley後,他工餘的時間,都花在家庭上。「我想陪兩個仔多啲,等佢哋成長得更加快樂。」