為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 12 月 09 日

曾江焦姣160歲的浪漫

現年八十四歲嘅曾江(Ken哥),同七十六歲嘅老婆焦姣結婚廿五年。雖然兩人老夫老妻,但恩愛如昔,就連Ken哥呢啲鐵漢,年前喺訪問中,都忍唔住大庭廣眾講肉麻說話,表示自己娶到個好老婆;此外,佢又覺得焦姣就好似天使一樣,喺生活上對佢照顧有加。
據悉,兩人家住九龍塘。早前,東姑就喺九龍城遇到「Ken嫂」焦姣。當時,佢喺一個生果攤檔,精挑細選靚生果,見佢同檔主有講有笑,似係買慣買熟;而檔主亦好識做,不停介紹最靚、最合時嘅生果畀佢。相信,佢呢個賢妻,專誠買生果返屋企慰夫。
而另一日嘅晚上八點,東姑又再喺九龍城遇到Ken哥同Ken嫂,一齊喺一間西餐廳撐枱腳食晚餐。當時,仲畀東姑唔覺意見到,焦姣嘴角含春、深情凝望老公嘅一幕,縱然兩人加埋一百六十歲,但sweet起嚟都甜到漏o架!

作為賢妻持家有道嘅焦姣,喺生果檔精挑細選靚桔以及奇異果,相信係買返屋企慰夫。

 

揀生果時,焦姣同檔主有講有笑,表現熟絡,相信係幫襯開嘅熟客仔。

 

另有一晚,東姑見焦姣同曾江一齊喺西餐廳撐枱腳,當時焦姣仲情深款款咁望實老公,一臉冧滋滋。

 

據悉,曾江與焦姣家住九龍塘,東姑發現兩夫妻經常喺九龍城拍拖行街街。