為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 11 月 28 日

大學變戰場 三煞校長位好難撈

一場抗爭風波將大學扯入鬥爭漩渦,年薪幾百萬嘅理大副校長被人捉去洗廚房,引為城中佳話,但校長滕錦光就畀人話佢係「隱者」。理大在十一月十七日爆大鑊後,滕校長一直神隱,未有到場降溫。佢事後解釋話因為警方覺得危險,唔適合,所以改為發放「一分鐘講話」。呢招畀學生質疑佢抄特首林鄭月娥,「講咗當做咗」,嬲嬲指數即時上升,更發起尋人訊息,問:「校長去了哪兒」。
滕校長最終喺十九號凌晨現身校園,部分老師同教職員見佢姍姍來遲,好激動,想發動班校董炒佢魷魚。風波會否愈炒愈大,要睇滕校長嘅拆彈功力嘞。不過亦有師生覺得校長之所以同抗爭者保持距離,係因為佢上任後已擺明車馬反對港獨滲透校園,早前喺畢業禮上亦拒同戴口罩學生握手,姿態相當強硬。
身為結構工程學者嘅滕校長來自內地,九四年開始喺理大結構工程系任教,扶搖直上做到協理副校長,照計對理大感情唔弱。不過點都好,佔領後嘅校園已成頹垣敗瓦,日後復修工程恐怕係天文數字。早前理大向政府申請兩項撥款都喺財委會被抽起,睇怕之後想問政府拎錢做復修,更加難過登天。

校園被佔領,滕錦光(右二)未有仿傚段崇智做法即時衝入校舍,被學生指佢姍姍來遲。

 

走到前線調停抗爭者嘅段崇智(中),近日疑因操勞過度入院,但主動關心學生嘅表現已獲師生掌聲。