為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 12 月 03 日

沈穎婷街坊裝放狗

〇四年,沈穎婷參選港姐,可惜大熱倒灶。入行後,佢嘅演藝事業,並不如一代電視花旦嘅媽媽李影,咁一帆風順。星運麻麻嘅佢,代表作欠奉,離開無綫後,轉戰亞視,再簽約英皇,不過仍然冇起色。淡出娛圈後,佢做過馬會,仲曾經喺酒吧推銷香煙,據悉佢????家做緊空姐。
早前夜晚八點,東姑就喺亞皆老街巧遇佢。當時,紮起一頭亂髮、身穿T恤、短褲、踢拖嘅佢,一身街坊裝,相信住喺附近,啱啱落街放狗。不過,愛犬似乎唔係幾聽佢話,雖然已經有狗繩拖住散步,但就同主人不時鬥大力,想四圍亂走。
東姑所見,沈穎婷要幾經九牛二虎之力,先拉得住隻狗,隻狗仲差啲衝紅燈走出馬路,都相當危險吓!話說回頭,沈穎婷鮮有亮相多年,唔多途人認出,難怪佢打扮隨便,唔使顧忌儀容,睇嚟對娛樂圈已經徹底死心喇!

一身街坊裝嘅沈穎婷,紮起一頭亂髮,落街放狗,睇嚟已經唔多顧忌形象。

 

入行後,沈穎婷嘅演藝事業,並不如一代電視花旦嘅媽媽李影咁一帆風順。

 

沈穎婷喺〇四年,曾經參選港姐,因為係星二代,所以被捧為大熱門,可惜最後大熱倒灶。