流感高峰殺到 政府擬送特敏福

流感高峰期又就快殺到，患者逼爆公院又恐重演。政府早前被人批評明知年年有流感災但歎慢板。汲取教訓，政府今年終於有新構思，擬為參加「普通科門診公私營協作計劃」嘅病人提供十次以外，額外多兩次嘅門診資助，等佢哋一旦患上流感，可以直接搵私家醫生。如醫生認為病人有需要食「特敏福」，政府仲會出埋藥錢。
賣晒大包，都係想疏導人流，等部分長期需要睇普通門診嘅病人多個救助渠道，唔使動不動就入公立醫院。聽聞班私家醫生都好贊成，雖然受惠既市民唔算多，「特敏福」一盒亦只係幾百蚊，但有做始終好過乜都唔做。

 

政府今年賣大包，擬為參加「普通科門診公私營協作計劃」嘅病人提供額外兩次門診資助，如有需要更可免費處方「特敏福」。