為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 11 月 22 日

違反協議搶先爆料 監警專家惹DQ疑雲

除咗警隊成為反修例風暴磨心,監警會亦唔好得幾多,單係處理六月至今過千宗投訴個案,已經忙到有氣冇抖。
為審視香港近期大型公眾活動相關的警務工作和程序,身兼資深大律師嘅監警會主席梁定邦早前宣布,成立五名海外專家組成的「專家組」,協助評估及提出意見。今個月中專家組齊集香港跟梁主席會面,並提交《進展報告》,由於其他監警會委員仍未閱覽,雙方同意不會書面公開小組撰寫的文件。
但專家組成員之一嘅英國基爾大學自然科學研究院院長Clifford Stott,卻喺其個人Twitter搶先公布《進展報告》部分內容,監警會對 Stott的行徑感到失望。
有監警會委員認為跟Stott失去互信,部署將佢從專家組中DQ,不過亦有委員唔同意咁做,怕令人誤會監警會滅聲。至於最終會點,睇怕監警會要開大會詳細研究。

 

 

監警會海外專家Clifford Stott違反協議,搶先在個人Twitter公布《進展報告》內容,監警會對佢的行徑感到失望。