李天翔坦言，在《解決師》中飾演的「太子」，是他入行以來最喜歡的角色。
「呢個角色，有爹哋、有阿妹，又有感情線，係個好人性化嘅反派，我真係要多謝監製劉家豪先生！」
這算是他效力無綫廿二年，一個完美的句號。

 

九六年底入讀訓練班，九七年初正式簽約加盟，當了一年路人甲乙丙後，成為了兒童節目《閃電傳真機》和《至叻小人類》主持，「試過拍着譚玉瑛姐姐，NG咗三、四十次，愈NG就愈驚。」
繼而再調到戲劇組，甫拍第一齣劇《英雄‧刀‧少年》，便踏上成魔之路。「可能我個樣邪邪哋啦。我仲記得，第一套劇我已經係奸嘅，有場接吻戲，仲要只係掂一吓嗰種，我已經好尷尬：個對手只係啱啱識，就去錫人，點解會咁嘅？」
接着的近百齣劇，他都是專演反派，日子有功下，他更被稱為無綫「御用強姦犯」，幾乎姦遍整台女藝員。「好彩????家啲觀眾眼睛係雪亮嘅，唔會好似以前年代，你行出街就會俾人鬧，哈哈哈！」
再然後，今年五月，他正式結束跟無綫的賓主關係，出外闖天下。
廿二年，李天翔經歷過很多很多，記得的，當然不會只憑藉這幾百幾千字，便可以記錄下來。然而，人的煩惱，往往都是因為記性太好，既然現在離開了，驀然回首，也需要好好梳理，這麼多年來的所有思緒，為腦袋來一次斷捨離，只僅記着一些值得回味的。

《解決師》是李天翔在無綫的告別作，「上年拍嘅時候，我已經決定離開，但嗰陣連監製劉家豪都唔知。」

認字特警

要說對李天翔最深刻的印象，必然是當年他在兒童節目裏的「認字特警」，皆因這個角色，是近年網民經常用於社交網的截圖。「當年播嗰陣都冇o依家咁大反應，我都冇諗過會咁。我啲朋友過時過節就會整張截圖嚟：『喂！恭喜發財喎！』做乜嘢啫？哈哈哈！」
那到底有沒有人真的會當面問字呢？「千祈唔好問！我充大頭鬼o架咋！有時有啲字，大人都未必識，嗰陣我拍完，都唔知自己講過乜。」
對他來說，「認字特警」還應付得來，反而另一個專講解科學的「問號超人」，卻嚇得他唔想返工。「個個禮拜拎住份稿喺屋企，我就想喊！啲稿全部死記死背，背完都唔知自己講咗啲乜，搞到我直情唔想返工！」
「唔想返工」當然只是發吓悔氣。「係好矛盾o架！因為要就啲小朋友課餘時間，所以每個禮拜淨係星期六、日錄影，其他日子你做乜都得！而且好易爆騷，即係一個月返八日工，就有三、四萬喎！」

「認字特警」是李天翔最令外界印象深刻的角色。「當年迴響都冇咁勁，係呢幾年啲人截咗圖，成日用喺社交網度先會咁。」