為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 11 月 16 日

小巴有錢唔敢賺 區選貼海報有難度

距區選投票日唔夠兩星期,各大參選人都谷盡全力宣傳。今屆選舉開支限額將由上屆六萬三千一百元增至六萬八千八百元,本來好使好用,但係不論泛民或建制,大部分都話仲有好多競選宣傳經費都未用,特別係一批靠眾籌集資,而非自己掏錢包的參選人,現正頭痛緊點處理使唔晒嘅捐款。
佢哋苦笑話,以前最大筆競選開支就係印宣傳品同賣小巴車身廣告,不過現時局勢混亂,「私了」不斷,好多小巴、的士車都不願接洽任何有關政治及選舉嘅廣告;即使過往友好的餐廳小店,也不敢張貼宣傳海報或寄存宣傳單張,以免慘被「裝修」,令好多議辦都塞滿晒大堆印刷品,多到要趁擺街站時,出動多幾個義工幫手派。
一名眾籌競選經費的參選人話:「印刷品幾十蚊印成千張,街站狂派都派唔晒;網上賣廣告都只係用得幾千蚊,又未必接觸到當區街坊,送日曆又怕畀人話賄選,最後真係用唔晒,會考慮捐去慈善機構。」

最近好多小巴、的士車都不願接洽任何有關政治及選舉嘅廣告。