為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 11 月 15 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

長沙快閃遊

最近跟九龍倉集團(0004)執行董事陳國邦(Kevin)快閃遊長沙,行吓長沙國金中心IFS,順道遊覽當地景點。雖然並非第一次到長沙,但今次感受到當地文化和特色美食,新舊交融,另有一番體會。
整個IFS項目包括大型綜合商場、甲級寫字樓及國際五星級酒店,位於市中心核心地段,總建築面積達一百萬平方米,總投資額二百億元(人民幣,下同)。Kevin介紹,商場開業一年半,有近四百個各具特色嘅商舖提供娛樂、生活時尚、文化及餐飲一站式體驗。商場分世界名牌和潮流店舖兩大部分,好似將中環和銅鑼灣合而為一,而兩邊都好大,我快行兩、三個鐘都未能行晒。
IFS最頂幾層係尼依格羅(Niccolo),酒店啱啱一周年,主要服務高端商務客,共有二百四十間房。作為商務酒店,當然配備現代化設施,而房間亦設計得精緻優雅,附加高角度城市和湘江全景。雖然行程緊迫,但我都有享用水療和泳池,商務中亦有度假體驗。

九倉陳國邦(Kevin)(左)同陸叔參觀長沙IFS。

 


我順便參觀埋九倉另一個商場時代.奧特萊斯,呢個商場開業三年,假日同非假日都人頭湧湧。Kevin透露由年初至今,商場已累積超過二十五億名顧客購物。現時商場出租率接近全滿,客流量持續增加,按年升兩成,國慶節假期間更升兩成四,接近九萬客流。高出租率及客流量支持業績高速增長,預計今年營業額可逾三億元。
我留意到近年長沙經濟發展迅速,當地政府亦推出唔少政策優化營商環境,一八年長沙GDP及人均GDP均為湖南省第一,分別為一萬一千億元及十三點九萬元。近期一份民營企業評價全國二百個城市營商環境嘅調查顯示,長沙滿意度排前十名。
長沙發展方向係「古今結合」,而講到歷史,早喺西周時期已有長沙嘅記錄,至今有三千年。難得到訪我亦有興趣參觀一下歷史文物,包括湖南省博物館。呢度館藏十八萬件文物,包括馬王堆漢墓出土文物及商周青銅器等,令我印象最深刻嘅係擁有「東方睡美人」之稱嘅辛追夫人。呢位「夫人」由落葬至今已經二千幾年,仍然保存得好好,皮膚有彈性,頭髮烏黑,大家參觀時都覺得好震撼。
另一個好多遊客會到嘅景點係嶽麓書院,我之前亦去過。大家除咗參觀呢間千年學府嘅校園之外,仲一定會行到裡面嘅愛晚亭,因為毛澤東當年喺呢度題下《沁園春.長沙》,見到佢寫「誰主沉浮」、「指點江山」,隔咁多年都感受到佢嘅氣魄。
雖然IFS內有好多食肆,但朋友介紹我去見識當地「名物」小龍蝦,於是去試吓極為出名嘅文和友,去到現場見到有幾百人排隊,原來下午已經派咗一千個籌,好彩朋友訂咗房,唔係都無緣一試。話呢度係餐廳都唔係好貼切,因為成個龍蝦館裡面有舊式小食店、影相館、理髮廳等,還原老長沙街頭巷尾嘅熱鬧場景,等位時可以參觀和影相打卡,難怪幾百張檯都照等。