為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 11 月 11 日

帶病同李綺虹東京做節目 譚小環自誇出鏡為造福人群

1994年港姐冠軍譚小環跟同屆季軍李綺虹喺ViuTV節目《香港親善小姐》中重聚,距離參選25年,兩人接近「入五」,但冇乜走樣。小環還自爆:「好記得當日李綺虹笑我個頭夠大,可以戴到個冠軍后冠,結果真的一語中的。」

小環冇見綺虹20年,今次齊齊做節目猶如跟老友重逢話當年,大家開心到不得了:「大家聲線、性格都冇變,綺虹依然好率直,唯一係做咗媽咪後比以前成熟淡定咗。我哋一聚埋,好多回憶返晒嚟,仲記得當日李綺虹笑我個頭夠大啱戴個后冠,呢句多年後依然好深刻。其實當年有好多強敵,除綺虹外仲有亞軍活麗明、陳芷菁、張可頤、黃金己瑩等。」

47歲的譚小環和49歲的李綺虹以素顏睡衣look出鏡。

 

在節目中,兩人扮王子及公主。

 

好少理魚蛋檔


譚小環同李綺虹要為節目齊赴東京拍攝,小環形容呢個係窩心Trip,可惜啱啱趕完ViuTV處境喜劇《娛樂風雲》,連續捱咗兩晚通頂,辛苦到想死咁滯,去到東京又遇上打大風,工作時間及作息大混亂,行程又緊密,搞到感冒不適要病住開工,不過佢話非常好玩,辛苦啲都值得:「我同綺虹會素顏睡衣look出鏡,又會走訪東京介紹特式店鋪,包括有男士提供服務嘅Cafe。」忙碌過後,兩公婆飛咗去美加及日本充電20多日,問到小食店由誰管理?小環大笑說:「小食店有團隊經營嘛,o依家我好少理,可以退居幕後啦,哈!其實我係為觀眾眼福著想,乜你唔覺得因為有我出現,o依家個電視更吸睛咩?我都係造福人群咋。」

兩人拜訪大碼女僕Cafe。

 

小環跟張慧儀、葉蘊儀及李麗珍客串ViuTV處境劇《娛樂風雲》。

 

當日鬼妹仔李綺虹搞笑對答比泳裝更吸引。