為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 11 月 08 日

友誼小姐變藝人慳住使 陳熙蕊入手平價喱士背心

 

陳熙蕊揀好背心款式便拿入更衣室試。

今屆港姐嘅友誼小姐,26歲嘅陳熙蕊(Blossom)已簽約成為TVB藝人,由平民到友誼小姐再變成為artist,雖然身份唔同咗,但生活依舊貼地。日前見Blossom去咗銅鑼灣行街,佢先去記利佐治街食酸辣粉醫肚,再行去駱克道的平價少女服飾店6ixty8ight買喱士背心,背心仔百幾蚊,款式好質地又唔太差,見佢揀咗好耐,入手一件咁大把。

陳熙蕊用手機上網搵吓心水款式再比較一下。

她試完就去畀錢,成個過程都係半個鐘。

陳熙蕊在比賽中表現都算突出,先憑出色口才獲得港姐限量珍藏迷你版后冠及權杖,然後再奪得「友誼小姐」名銜。事前她被看好入三甲,令她信心大增,只可惜決賽當晚,才藝表演數白欖式Rap,有網民表示聽到起雞皮。最後她都不能打破「友誼小姐魔咒」而落選,不過仍可以跟TVB簽約成為藝人。

陳熙蕊獨自食酸辣粉醫肚。

陳熙蕊稱身形偏瘦是遺傳媽媽,一日食5餐都唔肥。

百幾蚊都要慳住使
日前下晝三點,未有新工作的陳熙蕊去銅鑼灣shopping,她先去金百利附近食「傷心酸辣粉」醫肚,食咗半個鐘就慢行去駱克道的平價少女服飾店6ixty8ight睇內衣同背心。全店衫都唔太貴,買勻全身都唔過六百, Blossom睇咗10分鐘,期間用手機上網搵吓心水款式再比較吓,最後情傾白色吊帶喱士背心,佢入更衣室試完就去畀錢,埋單$140有找。

陳熙蕊奪得友誼小姐,並從上屆友誼小姐陳靜堯手中接過鮮花。

(右起)陳熙蕊與亞軍王菲、冠軍黃嘉雯和季軍古佩玲在比賽後翌日會見傳媒。