為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2019 年 11 月 08 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

外置業之澳樓篇

最近有資料指今年六至八月的移民申請比上年同期激增十倍,澳洲、英國同加拿大都係熱門查詢嘅移民地點。移民當然會有置業需要,但海外買樓亦可以作為分散投資考慮。上月獲嘉園集團邀請,去澳洲布里斯班同黃金海岸考察多個投資項目和地點,此行我唔止隨團出發,仲喺黃金海岸買咗個單位做「手信」。香港澳洲距離和時區接近,方便管理物業,我打算將單位作為中長線投資,亦可留作日後度假用途。
嘉園行政總裁 Stephen Tam三十年前已移民澳洲,一路見證當地由「鄉下」發展成國際化城市。佢唔只熟悉澳洲環境,對投資澳樓亦素有研究,所以喺二○一四年夥同拍檔創立嘉園,主要提供澳洲房地產、留學中介同移民一條龍服務。

陸叔最近往澳洲布里斯班和黃金海岸參觀樓盤並視察當地投資環境。

 


澳洲樓價二十年來一直穩步上升,但一七年九月見頂後開始下調,上年八個城市主要平均樓價按年回落百分之五點一。其中悉尼下調幅度較大,但當地向來係移民人士首選,非常受海外投資者歡迎,樓價仍屬高企;而近年較多人選擇嘅墨爾本亦同悉尼一樣,海外買家炒風熾熱。因此我建議投資者可考慮其他樓價相對低水嘅城市,例如東岸嘅黃金海岸同布里斯班。
布里斯班係澳洲第三大城市。近年,澳洲政府大力發展交通、旅遊娛樂及教育等基建,創造大量就業機會。近五年布里斯班同黃金海岸人口分別增百分之九點六和十一點四,預計未來人口增長可帶動樓價上升。由於兩地相鄰,好多人平日會喺布里斯班工作,假期就去黃金海岸度假。Stephen建議投資者可考慮大學周邊地區物業,因租賃需求大,租金回報穩定可觀,例如QS世界大學排名前五十嘅昆士蘭大學就喺布里斯班。
我自己就揀咗黃金海岸北一個樓盤,主要睇中物業嘅全海景,同附近高球會、遊艇會、大型商場等設施,而距離布里斯班亦只係四十五分鐘車程。黃金海岸係澳洲第六大城市,由於人口及經濟增長快,現時已達到群聚效應,我睇好當地物業長遠增值潛力。
澳洲房地產一直受資深投資者捧場,主要因為具備天然資源豐富、少天災、氣候好、少污染等先天良好條件。另外,唔少有移民計劃嘅投資者,亦會考慮澳洲嘅良好教育制度。當地房屋都有終身業權保障,物業世襲制,另銀行有完善制度為海外投資者提供按揭貸款服務,都係當地置業優勢。
Stephen提醒投資者要注意澳洲對外地投資者收緊按揭,現時大約可做五至七成,但另一方面我覺得澳幣已處於近期低位,係利好因素。移民方面,澳洲雖然歡迎各地人才,但每年都會修訂政策,提高移民要求,亦唔接受投資移民,所有移民人士必須經過頗為嚴格嘅背景審查同壓力測試。我認為海外投資者不應以單一因素作考慮,宜多留意環球市況、當地經濟、供應量、消費力同銀行貸款額度等,我將會喺十一月九日聯同嘉園同大家分析澳洲投資價值,如想了解多啲可致電3958 2612。