為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 11 月 06 日

呼吸位 鄧小巧

有些人,是天生的鎮定劑。但凡你幾憂心忡忡、焦慮不安,只要跟這種人接觸一下,自不然便會令你心情平靜下來,腦袋立時清醒,藥到病除。
鄧小巧就是這種人,無論是聽她的歌,或是跟她傾談,總會有種心靈被安撫的感覺,讓自己重新得力。所以,在這個時勢下,她舉行首次個唱《My Healing Live》,可說是給大家一個呼吸位。
「今年三、四月策劃時,大家本來想做個好有型格、好有格調嘅騷,仲改咗個療癒嘅希獵女神名,個名連讀都讀唔到。後來,我愈諗愈唔對路,說服唔到自己用呢個名,就提議叫《My Healing Live》——呢個名係我day one時已經諗咗,因為好多人覺得我係療癒系歌手,覺得我嘅聲音可以安撫到佢哋,咁不如個騷名就直接同『Healing』有關啦,我唔想人哋嚟到我個騷,仲要揣摩我做緊啲乜嘢,因為????家大家都再冇心力去揣摩。
「喺呢個時候,仲有人會留意我嘅歌,願意pay attention喺我嘅音樂度,我係好珍惜o架!所以我都想,嗰晚可以帶俾大家有兩個鐘舒服、放鬆、釋放嘅時間,然後放低一啲唔好嘅嘢,拎走一啲好嘅能量——我覺得????家呢個城市,好需要呢樣嘢。」
對,當下,大家的確需要來個深呼吸。

 

 

 

 

香檳女狼

小巧的新歌〈香檳女狼〉,旋律繼續很療癒。「點解係『狼』,唔係『郎』呢?因為首歌有一段只係『woo』,阿Y(黃偉文)覺得好似狼叫。」
拍此歌MV時,小巧和女主角也要飲兩杯,配合劇情。「咁啱有酒商贊助,我嗰日都只係飲咗三杯香檳啫,有排都唔會醉,都OK嘅。」全因她本身就是愛飲酒的人。「對我嚟講,酒呢樣嘢,係neutral同positive嘅,我開心會搵佢,唔開心又會搵佢;同朋友食個飯,又會搵佢;喺屋企睇套戲都會搵佢,最緊要係唔好過量就得,要識得拿捏。」
而她的酒量,都是遺傳自她的爸爸。「我爸爸係個好喜歡飲酒嘅人。我好細個時,佢做嘢壓力大,平時返到嚟,脾氣都好暴躁,投訴呢樣嗰樣;但係每次飲完一、兩杯酒,佢就會好放鬆,我好鍾意佢呢種狀態。
「有次,佢試過喺屋企張雲石枱倒咗啲烈酒,然後點火,佢同我講笑咁話:『你問我點解啲頭髮天生鬈,就係咁樣燒着咗個頭囉!』我嗰陣仲好細個,但佢呢個笑話,我仲好記得。」

十二月一日在麥花臣舉行首個個唱,小巧表示將會跳舞。「我覺得我有啲歌,如果我唔郁,我會唔舒服,咁觀眾睇都會覺得唔舒服o架嘛。」

 

小巧愛摸酒杯底,而且酒量不俗。「托賴呢樣嘢都係遺傳自我爸爸,屋企一路以嚟俾我嘅用酒方式同攝取量,都好好、好positive。」