為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2019 年 11 月 09 日

旅遊資助百二蚊 胡兆英度橋旅發局出錢

政府上月底推出短期補貼旅行社大計,料月中會公布具體實行方法。據悉,政府計劃每間旅行社喺未來四個月內,可享五百個資助名額,只要每接待一名過夜入境旅客,可獲補貼一百二十蚊;若接待出境客,就每個人頭有一百蚊補貼。
消息人士話,呢條橋係由香港旅遊業議會名譽顧問胡兆英度出嚟,喺十月初仲約埋經民聯幾位巨頭包括林建岳、林健鋒同盧偉國等,一齊見財爺陳茂波及商務及經濟發展局長邱騰華,力推補貼計劃。
據知,雙方一拍即合,並認為可以由旅發局出錢補貼畀成功招攬境外旅客來港嘅旅行社,至於出境旅客嘅補貼,就由旅遊業議會負擔,可以令計劃更靈活及爽快實施,預計今個月中就會出台。

旅遊界喺抗爭風波下陷水深火熱,胡兆英提出補貼措施助救亡。