為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2019 年 11 月 08 日

建制搜證自保 區選後恐現大量呈請

穩贏區議會選舉多年嘅建制派,喺暴力抗爭氣氛下,選情恐陰溝裏翻船。為挽救選票雖然力谷民生議題,惜形勢惡劣,無助逆轉民意。據悉部分建制參選人已做定最壞打算,一面硬着頭皮迎戰,一面暗中搜集唔公平嘅選舉證據,一旦落敗就向法庭提出選舉呈請,希望推翻選舉結果,甚至告上法庭,來個絕地反擊。
喺區選後圖以選舉呈請推翻選舉結果唔係新招,以往泛民經常用,不過今次角色調轉,輪到建制派玩呢招。提呈請嘅勝算唔係百分百,機會只係一半半,但首要條件係有理有據。
「選舉公平關注組」成員陳雲生話,已收到近百宗疑有違選舉公平嘅投訴,部分參選人直言寄望可透過選舉呈請自救,令他擔心區選後隨時湧現大量選舉呈請,屆時將會觸發連串補選,令社會亂上加亂。
陳雲生話,收到嘅投訴有唔少指各區連儂牆對參選人嘅指罵係無中生有,想撕走又怕畀人圍,覺得好唔公平;亦有部分屋苑嘅宣傳平台,只係選擇性租晒畀泛民候選人,同樣有違公平原則。
有建制參選人話,已經儲起晒呢啲證據,隨時控告對方,「本來可以向選舉委員會投訴,但未必有用,所以計劃直接告上法庭,希望攞番個公道。」

 

 

今屆年輕選民人數激增,加上非建制素人積極參選,料選情會異常激烈。