為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2019 年 11 月 07 日

咬耳狂徒疑患精神分裂 暴力示威引爆都市炸彈

太古城中心周日發生恐怖血案,有狂徒跟政見不合嘅市民一言不合即出刀捅人,咬甩太古城西參選人趙家賢半截左耳,造成六人受傷,被狂徒插兩刀嘅男人最重傷,至於甩耳議員周一已接受手術駁回耳朵。
事件最令人心寒嘅係,狂徒行兇後並冇逃走,當被多人圍毆「私了」,佢就更瘋狂地作出反撲,即使被打到血流披面,滿身鮮血,但嘴角仍露出冷笑。
據了解,涉案狂徒姓陳,無業,與老婆同兩個女住喺太古城,本身疑患有精神分裂,仲有暴力傾向,有打老婆嘅家暴紀錄,又有酒精依賴症。不過佢一直有依時覆診,病情受控。有指他九月先喺東區醫院精神科覆診,當時醫生認為佢沒大問題,想不到日前就發生斬人、咬耳血案。

 

 

有狂徒咬甩太古城西參選人趙家賢半截左耳,被大批人圍毆制服地上。同區另一參選人為丁煌。

 


另一宗涉及近期示威活動有關嘅斬人案,就係十月十九日,一名內地男子喺大埔「連儂隧道」對出,用生果刀刺向一名正派發遊行傳單青年嘅頸及肚,令青年腸臟溢出。兇徒又係犯完案唔走,企喺度大嗌「香港係中國嘅」,又話其他人「搞亂晒香港」,之後先搭的士離開,最後去咗警署自首。
同類事件,八月尾亦曾發生,將軍澳一名需要定時覆診嘅精神病男子,半夜醒來驚覺家人不在單位內,疑病發妄想家人遇害,於是帶住把軍刀外出搵家人。後來佢喺尚德邨商場外怒睥正在高叫「光復香港」口號嘅人群,並突然抽出軍刀揮舞,幸好他未有傷人,已被制服及拘捕。
據醫管局統計,旗下精神病患者已超過二十二萬人,而近月才成立嘅民間義務醫療隊十月底公布,佢哋處理與示威活動相關嘅病患者中,有百分之二十四為精神病人。
有醫生話,精神病患者如有暴力傾向,一但病發就容易作出傷害自己或他人嘅行為,成為「都市炸彈」,「近期香港不斷發生暴力示威,會令很多精神病患者病情轉差,當中最常見嘅抑鬱症,會滯後四至六個月先爆發,相信近期正係患者嘅病發高峰期。」

大埔派文宣學生被刺穿肚案,疑兇手持利刀站在兇案現場。

 

早前上水亦有男子疑不滿年輕示威者所為,突然拿出刀指向一班青年,幸未有傷及任何人。