為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2019 年 11 月 05 日

關慧玲

《東周刊》社長兼總編輯。

候任一哥堅落地

持續的暴力衝突令人不安,警隊在高度壓力下工作,現場環境既複雜亦多變,除了自身安危,仲要面對家人被起底被欺凌,唔少前線都覺得好無奈。筆者周一收到一則相信來自前線警務人員嘅短訊,就話見到候任一哥、警務處副處長(行動)鄧炳強上周六微服落咗前線,唔係做大龍鳳,而係加入同班前線一齊驅散示威者。
呢位前線話,「見到有個着白恤衫,同個大隻仔一齊行頭,開頭唔知佢係乜水。」佢話,呢位白衫阿SIR同佢哋一齊掃咗兩粒幾鐘,「由金鐘到上環,又要上山,全程煙霧瀰漫,又火光熊熊,佢成程搬路障,又搬垃圾,又同夥計分開記者,佢一除頭盔,我哋都嚇一跳,原來係鄧SIR御駕親征。」

 

 


據消息話,同鄧SIR一齊嘅港島總區應變大隊副主管吳志忠高級警司,星期六在警總稍事休息時遇上鄧SIR,鄧SIR主動話同佢一齊落前線。佢帶着頭盔和豬嘴,先由灣仔掃起,一直踩到去上環,沿途有示威者縱火和扔汽油彈,有穿黃色背心人士同前線警察有爭執,佢幫手分開兩批人,期間已有記者認出係佢,影佢相。之後佢再和同事沿樓梯街向上行到荷里活道再落番畢打街,兩個多小時後行到去中區警署,鄧SIR先離開。
鄧SIR已唔係第一次落地,之前另一次放催淚彈時佢亦有上前線做嘢,亦試過和警員一齊喺現場食飯盒。其實鄧SIR之前不時會落區,幾個月前本刊獨家披露警方歷來最大反黑幫行動時,已見到鄧SIR喺現場督師。
鄧SIR係另一位中大出產嘅警隊一哥(之前有李明逵)八七年崇基學院社工系畢業,預計今個月十九日接任香港警務處處長。好多人好奇呢位候任一哥行事作風會係點,有人就話,單睇佢上次出席記者會被問足三小時,更係有問必答,問到無記者再有問題為止,便知道佢唔只係坐幕後嘅人。此外,佢亦會去前線身同感受,肯聽前線心聲。有佢嘅同僚仲話,鄧SIR作風果斷,敢於改變現狀。
經歷多月騷動,頂住全港七百萬市民安危的警隊,面對不斷的被侮辱和人格謀殺,士氣軍心深陷低谷。在政治紛爭未見完結的一天,警隊無可避免繼續成為磨心,鄧SIR在這個關頭接手做警務處處長,相信是前所未有的艱巨。