為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2019 年 10 月 31 日

蔡英文玩政治 陳同佳自首計劃押後

香港嘅「反修例」風暴源頭陳同佳,喺香港因洗黑錢罪坐監期間,已決定出獄後去台灣自首,可是因為台灣方面玩政治玩到完全凌駕公義,其自首計劃才出現變數。
據本刊了解,陳同佳本來買咗十月二十三日早上往台北嘅機票,計劃當天早上一出獄,便立即由管浩鳴牧師陪同直接驅車去機場,一齊搭飛機到台北自首,而當地嘅代表律師亦隨時為佢辯護。
無縫交接本來最穩陣,可是為咗明年一月大選爭取連任嘅蔡英文,點會願意畀呢宗風波停止?只係佢勢估唔到陳同佳會願意自首,情急之下有人亂發牌,令到陳同佳和管浩鳴喺動身前幾日,突然在網上申請不了入台簽證。據知管浩鳴曾找過台灣陸委會、法務部,甚至內政部了解情況,都係收到同一個訊息,就係「大選前一定唔會批陳同佳同佢嘅入台證」。
此事被公開兼鬧大後,社會輿論一面倒罵蔡英文政府離譜。蔡英文見勢色不對,不斷以各種不合法理嘅邏輯解說,一時話「香港並非無管轄權」,一時又要求港警「繼續扣押陳同佳」。之後更夾硬話「香港不願行使管轄權,那就由我們台灣處理」,又提出由台灣檢警去香港押他返台等。近日佢再轉口風,又話台灣已準備好等陳同佳投案,希望佢快啲嚟。不過據知陳同佳已決定等明年台灣總統大選過後,才動身赴台。

陳同佳(左)上周三出獄,他本來會跟管浩鳴牧師(右)直接往機場,一齊搭飛機去台北自首。

 

讀法律出身的蔡英文為咗連任,可以荒謬到背棄法治和公義,拒絕通緝犯入境自首。